هەواڵ

بۆچی هێرشەکانی داعش رووی لەهەرێمی کوردستانە؟ فشارە یان کەموکورتی ئەمنی و سەربازی؟

لەکاتی بەڕێوەچوونی کۆنفرانسێکی رۆژنامەوانی تەکیەی تەریقەتی کەسنەزانی لەسلێمانی، سەرپەرشتیارانیکۆنفرانسەکە، بۆ هەر پەیامنێر و کامێرامانێکی بەشدار، بڕی ٢٥٠ هەزار دینار یان وەک دیاری پێدەدات و زۆربەیهەرەزۆری رۆژنامەوانەکانیش وەریانگرتوە.

رۆژی شەممە، ١-١-٢٠٢٢ تەکیەی تەریقەتی کەسنەزانی، کۆنفراسێکی رۆژنامەوانی بۆ راگەیاندنی پرۆژەیەکیلەژێرناوی ( پشتیگیریکردنی گەنجان) ئەنجامدا، پاش کۆتایهاتنی  کۆنفرانسەکە، بۆ هەر بەشداربووەیەک بڕی ٢٥٠ هەزار دینار لە زەرفێکی تایبەتدا درا بە پەیامنێران و وێنەگرەکان.
بەگوێرەی زانیارییەکانی MIC سەرجەم پەیامنێر و وێنەگرەکانی کەناڵەکانی راگەیاندن کە رووماڵیکۆنفرانسەکەیانکردوە و ژمارەیان ٢١ کەناڵ و پەیجی سۆشیاڵمیدیان، بڕە پارەکەیان وەرگرتوە، جگە لە پەیامنێریی رۆژنامەی باس نیوز.
میدیا بەشداربووەکانی کۆنفرانسەکە، بریتین لە، کوردستان ٢٤، کەناڵی NRT ، کەناڵی رووداو، کوردسات نیوز،کوردسات، گەلی کوردستان، کوردستان تیڤی، عێراقییە، ئەخبارییە،KNN ، پۆلەتیک پرێس، دیبلۆماتیکمەگەزن، ئێستا، راچڵەکین، خەندان، ناس، کات، ٧ رۆژ، باس نیوز، مەودا.

لەنەریتی کاری رۆژنامەوانیدا، کە رۆژنامەوانان و دەزگا میدیایی و ئاژانسە هەواڵییە ناوخۆیی و جیهانییەکان،لەسەرتاسەری جیهاندا پێوەی پابەندن و کۆدێکی هاوبەش هەیە  لەنێوانیاندا، رۆژنامەنووس و پەیامنێرانی کەناڵەراگەیاندنەکان، نابێت هیچ جۆرە دیارییەک لە بەرپرسان یان سەرچاوەکانی هەواڵ وەربگرن.

لەکاتی وەرگرتنی هەرجۆرە دیارییەکیشدا، دەچێتە چوارچێوەی رەشوە وەرگرتن و راستەوخۆ کاریگەری دەکاتەسەر سیاسەتی کەناڵەکە و ژووری هەواڵ و رووماڵی رووداوەکە.
هەروەها کۆدەکانی کارکردنی رۆژنامەوانان، جەخت دەکاتەوە لەوەی کە، پەیامنێران و رۆژنامەوانانی کەناڵەمیدیاییەکان، نابێت لەکاتی ئەنجامدانی چاوپێکەوتنی کەسایەتی و بەرپرساندا، هیچ جۆرە دیارییەک لەژێر هیچناونیشانێکدا وەربگرن، تەنانەت نابێت چایەک یان قاوەیەکیش بخۆنەوە.

هەروەها تەئکید دەکاتەوە لەوەی کە لەکاتی ئەنجامدانی گەشتی سەرۆکی وڵات، یان بەرپرسانی باڵا، دەبێتتێچووی گەشتە کە لە ئەستۆی دامەزراوە میدیاییەکان خۆیاندا بێت، نەک بەرپرسان.

دیاری محەممەد، بەڕێوەبەری سەنتەری میترۆ، بە MIC ی وت، ئەوان ئەو هەواڵەیان بیستوە، بەڵام کەسک لە بەشداربوانی کۆنفرانسەکە راینەگەیاندوە کە دیارییان وەرگرتبێ لە ماڵی شێخ نەهرۆ.

دیاری وتیشی” ئەگەر ئەم هەواڵە راستبێ، ئەوا بێ ئەزموونی پەیامنێران دەردەخات، کەمتەرخەمی دەزگاکانیشیانلەوە دەچێت لیستی قەدەغەکراوەکانیان پێنەداون.”
بەڕێوەبەری سەنتەری میترۆ ئاماژەی بۆ ئەوەشکرد کە “وەرگرتنی دیاری رەمزی ئاساییە، بۆنمونە سەفارەتێکیگەورەی وەک ئەمریکا کە سەردانی میترۆی کرد، دیارییەکەیان بۆ میترۆ پێنوسێک بوو، بەڵام لەوە زیاتر ئەبێتبوەستێت، چونکە دەچێتە چوارچێوەی رەشوە وە.”

بۆ پشتراستکردنەوەی زانیارییەکان، MIC پەیوەندیکرد بە یەکێک لە سەرپەرشتیارانی کۆنفرانسە رۆژنامەوانییەکەی تەریقەتی کەسنەزانی، ئەو پشتراستی کردەوە و وتی “بڕەپارەکە بۆ دابینکردنی ژەمێک خواردنبووە، بۆ میدیاکارەکانی کەناڵەکان.” 

پەیامنێرێکی بەشداربووی کۆنفرانسەکە بە MIC  ی وت راستەوخۆ پاش تەواوبوونی کۆنفرانسەکە، سەرپەرشتیارانی کۆنفرانسەکە، بە پەیامنێری دەزگاکانیان راگەیاند،  شێخ نەهرۆ کەسنەزانی دیارییەکی بۆداناون، نەڕۆن تاوەری دەگرن.”

ئەو رۆژنامەنووسە، وتیشی، ‘پاش نیوکاتژمێر لەچاوەڕوانی، سکرتێری شێخ نەهرۆ هات و بۆ هەر میدیاکارێکزەرفێکی پێشکەشکردن کە بڕی ٢٥٠ هەزار دیناربوو، ناوی دەزگاکەشی لەسەر زەرفەکە نوسرابوو.”
هەروەها وتی”هەموو پەیامنێر و کامێرامانەکانی دەزگاکان پێشوەختە زانیمان کە دیارییەکە بڕێک پارەیە،هەموومان وەرمانگرت، جگە لە پەیامنێری باس نیوز.”
فۆتۆ: دیمەنێک لە کۆنفرانسەکە.

هەواڵ

لە قەڵادزێ بەڕێکەوت و لە فەرەنسا خنکا

لە قەڵادزێ بەڕێکەوت و لە فەرەنسا خنکا
سلێمانی - MIC
ژیلان محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی دوێنێ سێشەممەی نێوان فەرەنسا و بەریتانیا.
ژیلان لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی پەڕینەوەدابوون لە فەرەنساوە بۆ بەریانیا.
بەڵام پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت، بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی روویداوە.
هێشتا بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد هەبوون.
تائێستا نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا بووە.
ساڵانە لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن، ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی خۆیان دەزانن بۆ مانەوەیان و وەرگرتنی مافی پەنابەری.