هەواڵ
خوێندكارانی زانكۆ و پەیمانگەكان خۆپیشاندانیان دەستپێكردەوە
2022-11-20
بەیانی ئەمرۆ خۆپیشاندانی خوێندکارانی زانکۆ و پەیمانگاکان لە گەرمیان و سلێمانی بە مەبەستی پێدانی دەرماڵە و کەمکردنەوەی کرێکی خوێندنی پارالێل دەسیتیپێکردەوە و تێیدا بایکۆتی هۆڵەکانی خوێندنیان کرد.
خوێندکارانی زانکۆی سلێمانی و پەیمانگای تەکنیکی سلێمانی بە مەبەستی پێدانی دەرماڵە و کەمکردنەوەی نرخی کرێی خوێندنی پارالێل خۆپیشاندانیان دەستپێكردەوە و تێیدا بایکۆتی هۆڵەکانی خوێندنیان کرد، هەر ئەمرۆ خوێندکارانی زانکۆ و پەیمانگای تەکنیکی گەرمیان دەستیان بەخۆپیشاندان کردەوە و تێیدا هاوشێوی خوێندکارانی ناوچەکانی دیکە داوای پێدانی دەرماڵە و کەمکردنەوەی نرخی خوێندنی پارالێلییان کرد و لە ئێستاشدا ڕێگای سەرەکی سلێمانی- گەرمیانیان داخستووە.
ئەوەش لەکاتێکدایە، لە هەفتەی ڕابردوودا بەهۆی بەردەوامی خۆپیشاندانەکانەوە سەرۆکایەتی زانکۆی سلێمانی دەوامی خوێندنی ڕاگرت و ئەمڕۆش پڕۆسەی خوێندن دەستیپێکردەوە، بەڵام جارێکی دیکە خوێندکاران درێژەیان بە خۆپیشاندان دا.
دەرماڵەی خوێندكارانی زانكۆ و پەیمانگەكان لەساڵی 2014 بەپاساوی قەیرانی دارایی لەلایەن حكومەتی هەرێمی كوردستانەوە بڕدرا، بۆ خوێندكارانی ناوشار 40 هەزار و بۆ خوێندكارانی دەرەوەی شار 60 هەزارە، بەڵام ساڵی 2021 دوای دەستپێكردنی بەرفراوانی خۆپیشاندانی خوێندكارانی زانكۆ و پەیمانگەكان لەشار و شارۆچكەكان، ئەنجومەنی وەزیران بڕیاریدا بۆ ماوەی ساڵێك دەرماڵە بەخوێندكاران بدات.
بڕیارەكەی حكومەت بۆ پێدانی دەرماڵە بە خوێندكاران تا مانگی شەشی ئەمساڵ بەردەوام بوو، لەدەستپێكی وەرزی نوێی خوێندنەوە خوێندكاران هیچ دەرماڵەیەكیان وەرنەگرتووە، تائێستا بەوتەی بەرپرسانی وەزارەتی خوێندنی باڵا و توێژینەوەی زانستی ئەنجومەنی وەزیران ڕەزامەندی نەداوە بەخەرجكردنی دەرماڵە بۆ خوێندكارانی زانكۆ و پەیمانگەكان.
هەفتەی ڕابردوو سەرچاوەیەك لەوەزارەتی دارایی و ئابووری حكومەتی ماوەبەسەرچووی هەرێم ئەوەی ئاشكراكرد دەسەڵاتی پێدانی دەرماڵە لای ئەنجومەنی وەزیرانە و ئەوان دەتوانن لەداهاتی وەزارەتی خوێندنی باڵا خۆیان خەرجی بكەن، ئەوەش لەكاتێكدایە دەرماڵەی خوێندكاران مانگانە كەمتر لە پێنج ملیار دیناری پێویستە.
More News
 copy.jpg)
Most Popular
-
ڤایرۆسێکی نوێ لە هیندستان دەرکەوت کە نە چارەسەر نە ڤاکسینی هەیە
تەندروستی2024-07-22
1
-
بەهۆی دواكەوتنی گەشتەكەی بو بە ملیۆنێر
ژیان2024-07-23
2
-
کۆمپانیایەک ئۆتۆمبێلێک دروستدەکات بە وزەی تیشکی خۆر کاردەکات
زانست2024-07-22
3
-
توێژینەوەیەکی نوێ: میسڕییە کۆنەکان نەشتەرگەری شێرپەنجەیان بەسەرکەوتوویی ئەنجامداوە
زانست2024-07-22
4
-
درێژترین تەلەفریک لەجیهاندا
ژیان2024-07-24
5
-
بۆچی پێویستە سەردانی باخچەی ئاژەڵان بکەین؟
ژیان2024-07-23
6
-
چۆن لە کاتی دوودڵیدا بڕیارە راستەکە دەدەیت؟
ژیان2024-07-22
7
-
مێتا ئاپێكی ركابەری تویتەر رادەگەیەنێت
Tech2024-07-22
8
زانست
ئایا ماسی دوای بەستنی دووبارە زیندوو دەبێتەوە؟
2024-07-25
لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.
