ژیان
فیلمێكی دۆكیۆمێنتاری لەسەر كچە كوردێك لەبەرلین پێشبڕكێی فیلمەكانی دیكە دەكات
2022-12-20
فیلمی دۆكیۆمێنتاری سینەمایی "دەروازەی خەونەكان" لە دەرهێنانی سینەماكاری كورد نگین ئەحمەدی و لە بەرهەمهێنانی ئیلاهە نەوبەخت، لە بەشی پێشبڕكێی "نەوەكان" لە 73یەمین فێستیڤاڵی نێودەوڵەتیی فیلمی بەرلین لە ئەڵمانیا وەرگیراوە لە كێبڕكێدایە.
بەرهەمهێنانی فیلمەكە زیاتر لە شەش ساڵی خایاندووە، چیرۆكی كچێكی رۆژهەڵاتی كوردستان بۆ بینەر دەگێڕێتەوە كە بە دوای بەشێك لە شووناسی خۆیەوە بە كامێڕاكەی دەچێتە ناو كچە شەڕڤانەكانی كۆبانێ وە، باس لەوەشدەكات ئەو كچانە بەرامبەر دڕندەترین رێكخراو كە داعشە شەڕیان كردووە جگە لەوەی شەڕیان بۆ ناسنامەی خۆشیان كردووە.
بەشداریكردنی "دەروازەی خەونەكان" لە فێستیڤاڵەكەدا، یەكەم نمایشی جیهانی دەبێت و كێبڕكێ بۆ بردنەوەی خەڵاتی باشترین فیلمی بەشی "نەوەكان" دەكات.
بەرهەمهێنان و بڵاوكردنەوەی نێودەوڵەتی فیلمە دۆكیۆمێنتارییەكە، لە ئەستۆی رێكخراوی سینەمایی ئیلی ئیمەیجە كە ئیلاهە نەوبەخت خاوەنداریەتی دەكات، ئەمە سێیەمین ئامادەبوونی ئیلاهە نەوبەختە وەكو بەرهەمهێنەر لە فێستیڤاڵی نێودەوڵەتیی فیلمی بەرلین.
حەفتا و سێیەمین خولی فێستیڤاڵی نێودەوڵەتیی فیلمی بەرلین، لە چەندین بەشی پێشبڕكێ و دەرەوەی پێشبڕكێ، لەوانە بەشی پێشبڕكێی سەرەكی، بەشی پێشبڕكێی نەوەكان، بەشی پێشبڕكێی فۆڕم، بەشی پێشبڕكێی كورتە فیلم، بەشی پێشبڕكێی فیلمی دۆكیۆمێنتاری و چەندین بەشی دەرەوەی پێشبڕكێ لەوانە، بەشی پانۆڕاما، بەشی نمایشی تایبەت، بەشی نمایشی سینەمای كلاسیك چەندین بەشی دیكە لە رۆژانی 16 تا 26ـی شوباتی 2023 لە بەرلینی ئەڵمانیا بەڕێوەدەچێت.
More News
 copy.jpg)
Most Popular
-
ڤایرۆسێکی نوێ لە هیندستان دەرکەوت کە نە چارەسەر نە ڤاکسینی هەیە
تەندروستی2024-07-22
1
-
بەهۆی دواكەوتنی گەشتەكەی بو بە ملیۆنێر
ژیان2024-07-23
2
-
کۆمپانیایەک ئۆتۆمبێلێک دروستدەکات بە وزەی تیشکی خۆر کاردەکات
زانست2024-07-22
3
-
توێژینەوەیەکی نوێ: میسڕییە کۆنەکان نەشتەرگەری شێرپەنجەیان بەسەرکەوتوویی ئەنجامداوە
زانست2024-07-22
4
-
بۆچی پێویستە سەردانی باخچەی ئاژەڵان بکەین؟
ژیان2024-07-23
5
-
چۆن لە کاتی دوودڵیدا بڕیارە راستەکە دەدەیت؟
ژیان2024-07-22
6
-
درێژترین تەلەفریک لەجیهاندا
ژیان2024-07-24
7
-
مێتا ئاپێكی ركابەری تویتەر رادەگەیەنێت
Tech2024-07-22
8
زانست
ئایا ماسی دوای بەستنی دووبارە زیندوو دەبێتەوە؟
2024-07-25
لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.
