یۆگای چاو یهكێكه لهو بابهتانهی بهكارهێنانی بڵاوه چونكه ڕاهێنانێكی پێویسته بۆ ئهو كهسانهی دهیانهوێت له بهكارهێنانی چاویلكه ڕزگاریان ببێت.
چهندین بهڵگه ههیه كه سوودی ئهم ڕێگا نهریتیه دهخاته ڕوو ئهویش پێی دهوترێت" ڕاهێنانی چاو" یارمهتی باشكردنی توانای بینین دهدات، ماسولكهكانی چاو بههێز دهكات و تهركیز باشتر دهكات و ماندوێتی چاو دهڕهوێنێتهوه.
ئهنجامی چهندین توێژینهوه ئاماژهی بۆ ئهوه كردوه بهردهوامبوون لهسهر ڕاهێنانی یۆگای چاو یارمهتی باشكردنی توانای بینین له نزیك و دوور و حاڵهتی ئیستیگماتیزم دهدات، پیربوونی چاو دوادهخات.
چۆنیهتی ئهنجامدانی ڕاهێنانهكه:
1-سهرهتا ههردوو دهستت لهیهكبخشێنه بۆ ماوهی 10 چركه بۆ ئهوهی گهرمایهك لهناو لهپی دهستت دروستببێت، پاش ئهوه بهری دهستت بخهره سهر چاوت و ههناسهیهكی قوڵ ههڵمژه.
2-بهبهردهوامی چاوت بتروكێنه.
3-بهشێوهیهكی ڕێك دانیشه یان بهپێوه بوهسته و ملت باڕێك بێت.
4-بۆ ماوهی 10-15 چركه چاوت دابخه و بهخێرای بیكهرهوه، چهند جارێك ئهم ڕاهێنانه ئهنجامبده.
5-چاوت بهلای ڕاست و چهپ بجوڵێنه پاش ئهوه بۆ سهرهوه و خوارهوه بێ ئهوهی سهرت بجوڵێنیت.
6-ههردوو دهستت به ئاستی چاوهكانت بهرز بكهرهوه و بهرهو لای ڕاست و چهپ بیجوڵێنه و لهگهڵیدا چاوت بجوڵێنه.
حزبی دیموکراتی کوردستانی ئێران دەڵێت" ئاسایشی سلێمانی بێهزاد خوسرەوی ئەندامی ئەو حزبەیان دەستگیرکردوە و رادەستی ئیڵاعاتی ئێرانیان کردۆتەوە، بەڵام ئاسایش دەڵێت لەسەر داوای خۆی گەڕێندراوەتەوە.
دەنگۆی رادەستکردنەوەی ئەندامێکی حزبی دیموکراتی کوردستانی ئێران، کە پارتێکی ئۆپۆزسیۆن، کاردانەوەی لێکەوتۆتەوە، ئاسایشی سلێمانی رۆژی هەینی رایگەیاند کە "بێهزاد خوسرەوی ماوەی مۆڵەتی مانەوەی لە هەرێم تەواو بووە بۆیە لەسەر داوای خۆی گەڕندراوەتەوە بۆ رۆژهەڵاتی کوردستان."
بەڵام ئەمڕۆ شەممە، حزبی دیموکراتی ئێران ئەو لێدوانە ڕەتدەکاتەوە و دەڵیت" بێهزاد خوسرەوی لەلایەن ئاسایشیەوە دەستگیرکراوە و رادەستی ئیتڵاعاتی سنە کراوەتەوە.
ڕۆژی 6-9-2024، ڕێکخراوی مافی مرۆڤی هەنگاو بڵاوی کردەوە، هەفتەی ڕابردوو چالاکوانێکی خەڵکی سەقز بەناوی بێهزاد خوسرەوی تەمەن 35 ساڵ کە خاوەن پێداویستیی تایبەت بووە و ئەندامی حیزبی دیموکراتی کوردستانی ئێران بووە، هاوکات ئەندامی فەرمی کۆمیسیاری باڵای پەنابەرانی نەتەوەیەکگرتووەکان بووە، دوای دەستگیرکردن و ئەشکەنجەدانی لەلایەن هێزە ئەمنییەکانی سلێمانی ڕادەستی ئێران کراوەتەوە.
ناوەندی تەشکیلاتی حیزبی دیموکراتی کوردستانی
ئێران ڕایگەیاندووە، لە ماوەی دوو هەفتەی ڕابردوودا بەهزاد خوسرەوی لە شاری
سلێمانی دووجار لەلایەن ئاسایشەوە بانگ کراوە و جاری دووەم و دوای چەند ڕۆژێک لە
بەندکردن و ڕاگرتن، ڕادەستی ئیدارەی ئیتلاعاتی شاری سنە کراوەتەوە.
حیزبی دیموکرات وەڵامی ئاسایشی سلێمانی داوەتەوە و
ئاماژەی بەوە کردووە، کە بەهزاد خوسرەوی ماوەی زیاتر لە 10 ساڵە لەگەڵ دایک و
خوشکی لە هەرێمی کوردستان لە شاری سلێمانی دەژین و بەپێ هەموو بەڵگە بەردەستەکان،
لە نیشینگەی شاری سلێمانی مۆڵەتی مانەوە و نیشتەجێبوونیان وەرگرتووە، مانەوەیان
لەو شارە یاسایی و بەپێی ڕێوشوێنەکانی حکومەتی هەرێمی کوردستان بووە.
ماوەی حەوت ساڵ بەهزاد و بنەماڵەکەی ئەندامی حیزبی
دیموکرات بوون، لە هەموو ئەو ماوەیەشدا لە چوارچێوەی یاسا و ڕێوشوێنەکانی حکومەتی
هەرێمی کوردستان لە سلێمانی ژیاون، هیچ لادان و سەرپێچییەک لە ناوبراو ڕووی
نەداوە کە لە دادگایەکدا لەسەری سەلمێندراوبێت، تەنانەت وەک پەناخوازی سیاسی لە
کۆمیساریای بەرزی پەنابەران، نوێنەرایەتیی UN لە هەرێمی کوردستان ناوی تۆمار کردوە.
حیزبی دیموکرات ڕادەستکردنی بەهزاد خوسرەوی بە کۆماری
ئیسلامیی ئێران سەرکۆنە دەکات و دەڵێت، دەبوایە دۆسیەی گرتنی بەپێی یاسا لە دەزگای
دادی هەرێمی کوردستاندا بڕیاری لەسەر درابا، نەک ناوبراو کە ئەندامی حیزبێکی
سیاسیی دژبەری ئێران و پەناخوازی سیاسی نیشتەجێی هەرێمی کوردستانە، لەلایەن دەزگای
ئاسایشی سلێمانییەوە ڕادەست بکرێتەوە.