ژیان
کەی وەرزی سێیەمی سکوید گەیم بڵاودەکرێتەوە
2025-01-30
پێگەی نێتفلێکسی کۆریا لە ڕێگەی تیزەرێکەوە بڵاویکردەوە، 27ـی حوزەیرانی 2025 وەررزی سێیەمی زنجیرەی سکوید گەیم بڵاودەکرێتەوە.
پاش ماوەیەکی کورت پێگەکە بەبێ هیچ ڕونکردنەوەیەک تیزەرێکەی سڕیەوە، بڵاوکردنەوەی هەواڵەکە دوای ئەوەهات تۆڕی نێتفلێکس رایگەیاند، وەرزی سێیەمی زنجیرەی سکوید گەیم لە ساڵی ٢٠٢٥ـدا پەخشدەکرێت.
پێشتر، دەرهێنەری زنجیرەکە رایگەیاند، وێنەگرتنی وەرزی سێیەمی کۆتایی هاتووە و رووداوەکان تاریکتر و خەمبارتر دەبن و زۆر جیاوازتر دەبێت لە وەرزەکانی پێشوو.
ڕونیشیکردەوە، "ئەم وەرزەی زنجیرەکە خراپەکاریی زیاتر لەخۆدەگرێت، بەو پێیەی رووداوەکان قوڵتر و هەستیارتر دەبنەوە".
سکوید گەیم، زنجیرەیەکی تەلەڤزیۆنیی کۆریای باشورە، تا ئێستا دوو وەرزی بڵاوکراوەتەوە و چاوەڕوان دەکرێت لە ئەمساڵیشدا وەرزی سێیەمی بڵاوبکرێتەوە.
چیرۆکی سکوید گەیم باس لە بەشداری 456 کەس لە یارییەکدا دەکات بۆ بردنەوەی 38 ملیۆن دۆلاری ئەمریکی، بەڵام کاتێک لە یارییەکەدا بەشدار دەبن بۆیان دەردەکەوێت تەنیا یەک براوە هەیە و ئەوانی دیکە کەسیان بە زیندوویی نامێنێن.
چیرۆکی ئەم بەرهەمە لە یارییەکی منداڵانی کۆریایی وەرگیراوە و بە هەمان ناوی یارییەکە کراوە.
More News
 copy.jpg)
Most Popular
-
هەڕەشەی کوشتن لە ژینێ ئه‌تروشی دەکرێت
هەواڵ2025-01-26
1
-
چۆن مۆبایل دەبێتە هۆی زیاد بوونی کێشی منداڵان؟
تەندروستی2025-01-26
2
-
خانەنشین بوون پەروەردەی هەرێمی کوردستان ڕوبەڕوی گرفت دەکاتەوە
هەواڵ2025-01-27
3
-
خواردنەوە کحولییەکان دەبنە هۆی قەڵەوی و کێشە بۆ کۆئەندامی هەرس دروست دەکەن
تەندروستی2025-01-27
4
-
ئەگەر دەتانەوێت تەمەنتان درێژ بێت، ڕۆژانە 30 خولەک بە پێ بڕۆن
تەندروستی2025-01-27
5
-
هەرێمی کوردستان ئامادەکاری بۆ دەستپێکردنەوەی دامەزراندن و پلەبەرزکردنەوە دەکات
هەواڵ2025-01-29
6
-
بەنداوی تشرین … دووەم گەورەترین بەنداوی سوریا مەترسی هەرەسهێنانی هەیە
هەواڵ2025-01-29
7
-
فرۆشی ئۆتۆمبێلی کارەبای بەرز دەبێتەوە
Tech2025-01-29
8
تەندروستی
ئیندۆمی زیان بە خانەکانی مێشک دەگەیەنێت
2025-01-30
ماڵپەڕی" ئەل ئەیام" لە بابەتێکی تەندروستیدا چەند زیانێکی خواردنی ئیندۆمی بڵاوکردوەتەوە و ئاماژەی بۆ ئەوەکردووە، ئیندۆمی خوێی چینی تێدایە، ئەمەش دەبێتە هۆی زیانگەیاندن بە خانەکانی مێشک لاوازیان دەکات و لە هەندێک حاڵەتیشدا لەناویان دەبات.
بەپێی هەواڵەکە، زیانێکی زۆر خواردنی ئیندۆمی دەبێتە هۆکارێک بۆ زۆرێک لە نەخۆشییە شێرپەنجەییەکان وەک شێرپەنجەی مێشک و سییەکان، هاوکات هۆکارێکە بۆ زیادبوونی کێش و قه‌ڵه‌وی و کۆنیشانه‌ی ئێکس و که‌م خوێنی و که‌می مادده‌ی ئاسن.
د.کامەران رەسول ژاژڵەیی، پسپۆڕی زانستی خۆراک و نه‌شته‌رگه‌ری گشتی سەبارەت بە زیانەکانی ئیندۆمی لەسەر منداڵ ڕایگەیاندووە، ئیندۆمی دەبێتە هۆی دواکه‌وتنی گه‌شه‌ی منداڵ و زیادبوونی ئه‌گه‌ری کورتی باڵا له منداڵ و مێرد منداڵان، ئه‌گه‌ر ڕۆژانه یان هه‌فته‌ی چه‌ند جارێک بخورێت.
پێشتر، گۆڤاری (راما) راپۆرتێكی ته‌ندروستی جیهانی له‌سه‌ر مه‌ترسییه‌كان ئیندۆمی بڵاوكردۆته‌وه له‌و راپۆته‌دا ئه‌وه هاتوه كه ئیندۆمی جۆره خوێیه‌كی تێدایه له‌جۆری (E) كه له وڵاتی چین دروست ده‌كرێت و ئه‌و جۆره خوێیه مه‌ترسی هه‌یه بۆ تێكچونی مۆخ و نه‌خۆشی ده‌ماره‌كان و نه‌خۆشی له‌بیرچونه‌وه و شێرپه‌نجه‌ی مۆخ و دروستبونی ئازار له‌ناو سكدا.
سەبارەت بەو زانیارییانەشی باس لەوە دەکەن هۆکارێکە بۆ توشبوون بە شێرپەنجە، دکتۆر فەهد ئەلخدایری، زانای توێژینەوەی پزیشکی لە یەکەی ماددە شێرپەنجەییەکان لە سەنتەری توێژینەوە لە نەخۆشخانەی پسپۆڕی مەلیک فەیسەڵ ڕایگەیاندووە: "نوودڵ لە جۆری ئیندۆمی بە هیچ شێوەیەک نابێتە هۆکاری نەخۆشیی شێرپەنجە و تەنانەت زیانیشی نییە ئەگەر بەڕێژەیەکی مامناوەند بخورێت".
