هەواڵ

لە پرۆژەی رووناکیدا چۆن دەتوانیت کارەبای بەردەوامت هەبێ بە نرخێکی کەم؟

بەپێی ئەو نرخانەی بۆ کارەبای پرۆژەی رووناکی پەسەندکراوە، هاوڵاتییان لە نێوان دوو بژاردەدان یان کارەبا بەزۆری و بەدەر لە پێویستی بەکاری دێنن و مانگانە پارەی زۆر دەدەن، یان ئەوەتا پابەندن بە بەکارهێنانی بڕی پێویست و خۆیان لە نرخە زۆرەکەی رزگار دەکەن.

نرخەکانی کارەبای پرۆژەی رووناکی:

ئەمڕۆ ئەنجومەنی وەزیران 400 کیلۆوات کارەبای پرۆژەی رووناکی کە نزیکەی دوو ئەمپێر و نیوی بەردەوام دەکات، بە 72 دینار دیاریکرد، 400 تا 800 کیلۆوات کە پێنج ئەمپێری بەردەوام دەکات بە 108 دینار دیاریکرد.

هەروەها، 800 تا 1200 کیلۆوات کە دەکاتە حەوت ئەمپێر و نیوی بەدەوام دەکات، بە 175دینار دیاریکراوە، 1200 تا 1600 کیلۆوات کە 10 ئەمپێری بەردەوام دەکات بە 265 دینار دیاریکراوە، 1600 تا 2000 کیلۆوات بە 350 دینار

چۆن نرخەکان دیاری دەکرێت؟

ئەوەی بەلای هاوڵاتییانەوە گرنگە، شارەزایی هەبێت لە بەکارهێنانی کارەبا، بەشێوەیەک مانگانە پارەی زۆری بۆ نەیەتەوە، لێرەدا نرخەکان روویندەکەینەوە و بڕی بەکاهێنانی کارەبایش لالایەن هاوڵاتییانە دەگەڕێتوە بۆ پێویستی هاوڵاتییان بەکارەبا.

ئەگەر خێزانێک لە وەرزی زستان یان هاوین پێویستیەکانی بە کارەبا بە پێنج ئەمپێر دابینبکات، ئەوا دەبێت 800 کیلۆوات کارەبا بەکاربهێنێت، بۆ 400 کیلۆواتی یەکەم نرخەکەی بە 72 دینار دیاریکراوە، واتە 400×72= 28هەزار و 800 دینار، بۆ 400 کیلۆواتی دووەم 108دینار دیاریکراوە، واتە 400×108= 43هەزار و 200دینار.

بە کۆکرددنەوەی پارەی 400 کیلۆواتی یەکەم و 400 کیلۆواتی دووەم، کە دەکاتە 72 هەزار دینار، بەمەش ماڵێک لە مانگێکدا لە بەرامبەر بەکارهێنانی پێنج ئەمپێری 24 کاتژمێریدا دەبێت 72 هەزار دینار بدات.

ئەگەر ماڵێک حەوت ئەمپێر و نیویان مانگانە بەکارهێنا، ئەوا دەبێت 1200 کیلۆوات کارەبا بەکاربهێنن، کە نرخەکەی 142 هەزار دینارە، ئەگەر 10 ئەمپێریان بەکارهێنا ئەوا نرخەکەی دەبێت بە 248 هەزار دینار.

لە پرۆژەی رووناکیدا هاوڵاتی ناچار دەبێت بەپێی پێویستی کارەبا بەکاربهێنێت، لەگەڵ ئەوەشدا پارەی کارەبا تەنها لەوکاتەدا لەسەر کەسی بەکارهێنەر ئەژمار دەکرێت کە بەکاری دەهێنێت، واتە ئەگەر کەسێک کاتێک لەماڵەوەیە رەنگە پێویستی بە بەکارهێنانی 800 کیلۆوات بێت، بەڵام کە لەماڵ دەچێتەدەرەوە رەنگە تەنها ساردکەرەوەکە بە ئیشپێکراوی جێبهێڵێت کە بە کەمتر لە 200  کیلۆوات کاردەکات.


کەی کارەبای 24 کاتژمێری دەگەیەنرێت بە هەموو هاوڵاتییان؟

رۆژی 17ی تشرینی یەکەمی 2024، مەسرور بارزانی سەرۆکی حکومەتی هەرێمی کوردستان، پڕۆژەی ڕووناکی ڕاگەیاند و وتی، ئامانج لەم پرۆژەیە دابینکردنی کارەبای 24 کاتژمێرییە بۆ سەرتاسەری هەرێمی کوردستان و پرۆژەکە تا 2026 لە هەرێمی کوردستان تەواو دەبێت.

هەواڵ

پارتی رێکارەکانی بەپارێزگابوونی شنگال دەستپێدەکات

ئەندامێکی فراکسیۆنی پارتی دیموکراتی کوردستان لە پەرلەمانی عێراق ئاشکرایدەکات، رێکارەکانیان بۆ بە پارێزگاکردنی قەزای شنگال دەستپێکردووە و بۆ ئەو مەبەستەش پرۆژەیاسایەکیان ئامادەکردووە.

مەحما خەلیل، ئەندامی فراکسیۆنی پارتی دیموکراتی کوردستان لە پەرلەمانی عێراق بە میدیای حزبەکەی راگەیاندووە، "پاش ئەوەی بڕیار لەسەر بەپاریزگابوونی هەڵەبجە درا، ئێستا ئامادەکاریی دەکەین دەنگ لەسەر بڕیاری بەپارێزگابوونی شنگالیش بدرێت".

دەشڵێت: پرۆژەی بەپارێزگابوونی شنگال ئامادەکراوە بۆئەوەی لە پەرلەمان کاری لەسەربکرێت.

جەختی لەوەکردەوە، بەهەموو پێوەرێک شنگال مەرجەکانی بە پارێزگابوونی تێدایە و ناوچەیەکی بەرفراوانی هەیە.

ئەو پەرلەمانتارە وتیشی: خەڵی شنگال داوا دەکەن ببنە پارێزگا و سەر بە هەرێمی کوردستان بن.

شنگال دەکەوێتە  126 کیلۆمەتر رۆژئاوای شاری موسڵ، زۆرینەی دانیشتوانی قەزای شنگال شوێنەکەوتەی ئاینی ئێزیدین و ژمارەی دانیشتوانەکەی زیاترە لە 88 هەزار کەس، هەوڵەکان بەردەوامن بۆ ئەوەی قەزای تەلەعفەریش بکرێتە پارێزگار کە دەکەوێتە نزیک شنگال و زۆرینەی دانیشتوانەکەی تورکمانی شوێنکەوتەی ئاینزای شیعەن.