هەواڵ
شاندی هەرێم بۆ دوو مەبەست دەچنە بەغدا
2025-09-03
جارێکی تر شاندێکی هەرێم دەچنەوە بەغدا بۆ گفتوگۆکردن
لەگەڵ بەرپرسانی حکومەتی عێراق، مەبەستی سەردانەکە بۆ رێککەتنە لەسەر شێوازی
رادەستکردنی داهاتی نانەوتی و نەهێشتنی بەربەستەکانی بەردەم هەناردەکردنەوەی نەوت.
لەکۆبونەوەی ئەمڕۆی
ئەنجومەنی وەزیرانی هەرێمی کوردستاندا کە شاندی دانوستانکاری حکومەتی هەرێم لەگەڵ
بەغداد ئامادەیبون و ڕاپۆرتێکیان پێشکەشکردووە لەبارەی دواین گۆرانکاریەکانی بەغداوە،
باسیان لەوەکردوە بەغدا مەرجی نوێ و قورسی بۆ هەرێم داناوە بۆ خەرجکردنی موچەی مانگی
حەوت و مانگەکانی دواتر.
بەپێی
زانیارییەکان، بەغدا داوای لە شاندی هەرێم کردووە، سەرجەم داهاتی فیدڕاڵی ڕەوانەی
بەغداد بکرێت و دواتر وەزارەتی دارایی عێراق بەنوسراو %50ـى ڕەوانەی هەرێم بکاتەوە و هەرێم دەسەڵاتی خەرجکردنی
هەبێت بۆ ئەو بڕە.
هەر بەپێی زانیارییەکان، بەغدا سورە لەسەر
هەناردەکردنەوەی نەوتی هەرێم و حکومەتی هەرێمیش لە پەیامی بەغدا تێگەیشتووە کە چیتر
زەحمەتە مووچە بنێرێت، ئەگەر هەناردەکردنەوەی نەوتی هەرێم دەستپێنەکاتەوە.
لە کۆبوونەوەی
ئەمڕۆیدا، ئەنجومەنی وەزیرانی هەرێم، شاندی دانووستانکاری ڕاسپارد کە لە کۆبوونەوەکانی
سبەینێیان کە وا بڕیارە لە بەغدا لەگەڵ هاوتاکانیان لە حکومەتی فیدڕاڵیی ئەنجام
بدرێت، بەردەوام بن لە هەوڵەکانیان و پەلە بکەن لە گەیشتن بە چارەسەری گونجاو لە پێناوی
هەرچی زوو دەستپێکردنەوەی هەناردەی نەوتی هەرێم لە ڕێگەی کۆمپانیای سۆمۆ.
مانگی رابردوو،
هەردوو وەزارەتی نەوت و سامانە سروشتییەکان و کۆمپانیای نەوتی باکوور و کۆمپانیای
سۆمۆ، کۆنووسی هاوبەشی پڕۆتۆکۆلی دەستپێکردنەوەی هەناردەی نەوتیان واژۆ کرد،
حکومەتی هەرێم جەختدەکاتەوە، ئەوەی لەسەر هەرێمی کوردستان بووە، بە زیادەوە
کارئاسانی پێویست کراوە بۆ لابردنی بەربەستەکان.
سەبارەت بە بابەتی
هاوبەشی پێکردنی داهاتی ناوخۆی هەرێم لەگەڵ حکومەتی فیدڕاڵ، ئەنجومەنی وەزیران جەختی
کردەوە لەوەی ئەم بابەتە، بە یاسای بەڕێوەبردنی دارایی فیدڕاڵیی و یاسای بودجەی عێراقی
فیدڕاڵ ڕێکخراوە کە دادگای فیدڕاڵیش جەختی لێ کردووەتەوە.
داواشی کرد لە
چوارچێوەی ئەم دوو یاسایە، بابەتی داهاتی نانەوتیش چارەسەر بکرێت هەروەک لە دوا بڕیاری
ئەنجومەنی وەزیرانی فیدڕاڵیش جەختی لەسەرکراوەتەوە و لیژنەیەکی تایبەتمەندی هاوبەش
بۆ ئەم مەبەستە پێکهێنراوە، تاوەکوو چیتر ئەم دوو بابەتە وەکوو پاساو و بیانوو بۆ
خەرجنەکردنی مووچە و شایستەی مووچەخۆرانی هەرێمی کوردستان بەکارنەهێنرێت کە بە داخەوە
ئێستا لە مانگی ئەیلوولین، کەچی تازە مووچەخۆران مووچەی مانگی حوزەیرانیان بۆ دەنێردرێت.
بابەتی لێکچو
-
راوێژکاری ئاسایشی نیشتمانیی عێراق لەگەڵ دامەزراوەی ڤیژن کۆدەبێتەوە
هەواڵ2025-09-04
-
سەرۆک کۆماری عێراق: گرنگە ئەنجامی توێژینەوەکانی دامەزراوەی ڤیژن جێبەجێ بکرێت
هەواڵ2025-09-03
-
لە زیادکردنێکی ئاشکرادا وەزارەتی دارایی موڵکەکانی کۆمپانیای چاڤی دەفرۆشێت
هەواڵ2025-09-03
-
زانیاری لەبارەی هێرشەکەی سەر هێمن مامەند و دۆخی تەندروستیی
هەواڵ2025-09-02
More News
 copy.jpg)
Most Popular
-
هەناردەکردنەوەی نەوتی هەرێم.. دۆسییە ئاڵۆزەکە
هەواڵ2025-08-31
1
-
زانیاری لەبارەی هێرشەکەی سەر هێمن مامەند و دۆخی تەندروستیی
هەواڵ2025-09-02
2
-
لە زیادکردنێکی ئاشکرادا وەزارەتی دارایی موڵکەکانی کۆمپانیای چاڤی دەفرۆشێت
هەواڵ2025-09-03
3
-
خزانی دیسکی نێوان بڕبڕەکانی پشت چییە؟ نیشانەکانی کامانەن؟
تەندروستی2025-09-02
4
-
سەرۆک کۆماری عێراق: گرنگە ئەنجامی توێژینەوەکانی دامەزراوەی ڤیژن جێبەجێ بکرێت
هەواڵ2025-09-03
5
-
شاندی هەرێم بۆ دوو مەبەست دەچنە بەغدا
هەواڵ2025-09-03
6
-
ئەمریکا هەڕەشەی بڕینی تەمویلی دۆلار لە عێراق دەکات
هەواڵ2025-09-01
7
-
پارە گەیشت و دەست بەدابەشکردنی مووچەی مانگی شەش دەکرێت
هەواڵ2025-08-31
8
هەواڵ
راوێژکاری ئاسایشی نیشتمانیی عێراق لەگەڵ دامەزراوەی ڤیژن کۆدەبێتەوە
2025-09-04
دامەزراوەی ڤیژن و راوێژکاری ئاسایشی نیشتمانی عێراق چۆنێتی
کاری پێکەوەیی و هەماهەنگیان تاوتوێ کرد
راوێژکاری ئاسایشی نیشتمانی عێراق،
قاسم عەرەجی ڕۆژی چوارشەممە 3ـی ئەیلولی 2025 لە نوسینگەی خۆی پێشوازی لە عەدنان
عوسمان، سەرۆکی دامەزراوەی ڤیژن بۆ لێکۆڵینەوەی ستراتیژی و شاندێکی یاوەری کرد.
لە کۆبوونەوەکەدا باس لەڕێگەکانی
بەرزکردنەوەی هاوکارییەکانی نێوان ڕاوێژکاری ئاسایشی نیشتمانی و ناوەندەکانی
توێژینەوە، بەتایبەت دامەزراوەی ڤیژن کرا، بۆ ئاڵوگۆڕی دیدگاکان و بیرۆکە و
دۆزینەوەی چارەسەری هاوبەش بۆ ئەو پرسانەی کە بەرژەوەندی هاوبەشیان هەیە،
بەتایبەتی لە بوارەکانی ئاسایش و تەندروستی، ئاو، و وزە.
عەرەجی جەختی لەوە کردەوە کە
ڕاوێژکاری ئاسایشی نیشتمانی لە هاوکاری و هەماهەنگی بەردەوامدا دەبێت بۆ هەموو ئەو
دامەزراوانەی بەشداری لە چارسەرکردنی کێشەکاندا دەکەن و پڕۆژە دەخەنەڕوو، کە سوودی
بۆ میللەت و هاوڵاتییانی عێراق هەیە.
