زانست

بۆچی لەڕووی بۆماوەییەوە زیاتر لە باوكمان دەچین وەك لە دایكمان؟

Mic
2022-06-16

هەر لەمنداڵیەوە گوێمان لەوەبووە و خویندومانە كە ئێمە بە هاوبەشی 23 كرۆمۆسۆم لەدایك وباوكەوە وەردەگرین، سیفەتەكانیش كە وەریدەگرین هاوبەشە   لە باوانەوە، بەڵام دواین توێژینەوەكان زانیاری سەیر ئاشكرا دەكەن.

سەرەڕای كاریگەری گەورەی دایك لەسەر ڕوخساری منداڵەكە، لێكۆڵینەوەكانی ئەم دواییە دەریدەخەن كە شیردەرەكان  كە مرۆڤەكانیش دەگرێتەوە، زیاتر DNA لە باوكەكان وەردەگرن لە كاتی گۆڕانكاریدا — ئەو پرۆسەیەی كە ئێمە لە قاڵب دەدات بۆ ئەوەی كێین.

توێژەران پەیوەندی نێوان دەربڕینی DNA و گۆڕانكارییان تاقیكردەوە، جەیمس كرۆلی، نووسەری توێژینەوەكە دەڵێت چەند سەد جینێك  ناهاوسەنگی لە بەرژەوەندی باوك  نیشانداوە.

هەرچەندە هێشتا پرۆسەكە لە مرۆڤدا بەدی نەكرابوو، بەڵام زانایان ئەنجامی توێژینەوەكە بە  دۆزینەوەیەكی نوێی ناوازەی توێژینەوە ناودەبەن كە دەرگا بەڕووی بوارێكی تەواو نوێی گەڕان لە جیناتیكی مرۆڤدا دەكاتەوە.

بەهۆی ئەوەی جینەكانی باوك بەهێزترن، وا دەكات منداڵان زیاتر مەیلی ئەو نەخۆشیانە بن كە لە باوكەوە بەدەستی دەهێنن نەك لە دایكەوە، پاردۆ-مانوێل دی ڤیلێنا، هاوبەشی نووسەری توێژینەوەكە دەڵێت: ئەگەر لە دایكەوە بۆماوەیی وەربگیرێت، ئەوا جینەكە بەو رادەیە دەرنابڕێت كە ئەگەر لە باوكەوە بۆماوەیی بێت.  كەواتە، هەمان گۆڕانكاری خراپ دەرئەنجامی جیاوازی دەبێت لە نەخۆشیدا ئەگەر لە دایكەوە یان لە باوكەوە بۆماوەیی بكرایە.

لێرەوە، بە چاودێریكردنی بارودۆخی تەندروستی باوكت، لەوانەیە بتوانیت پێشبینی نەخۆشییە ئەگەرییەكانی خۆت بكەیت لە داهاتوودا.
 

More News

Most Popular

هەواڵ

لە قەڵادزێ بەڕێکەوت و لە فەرەنسا خنکا

Mic
2024-04-25

لە قەڵادزێ بەڕێکەوت و لە فەرەنسا خنکا
سلێمانی - MIC
ژیلان محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی دوێنێ سێشەممەی نێوان فەرەنسا و بەریتانیا.
ژیلان لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی پەڕینەوەدابوون لە فەرەنساوە بۆ بەریانیا.
بەڵام پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت، بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی روویداوە.
هێشتا بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد هەبوون.
تائێستا نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا بووە.
ساڵانە لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن، ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی خۆیان دەزانن بۆ مانەوەیان و وەرگرتنی مافی پەنابەری.