Tech

ئەمڕۆ ڕۆژی جیهانی تەلەفیزیۆنە

ڕۆژی جیهانی تەلەفزیۆن: تەلەفزیۆن بەشێکی دانەبڕاوە لە هەموو ماڵێکدا ئامێرەکە وەک سەرچاوەیەکی زانیاری و و کات بەسەربردن بۆ هەمووان بەکاردێت تەلەفزیۆن ناوەندی هەموو خێزانێکە، جا منداڵان سەیری کارتۆن و نمایشی تایبەت بە تەمەنی خۆیان بکەن یان بەساڵاچووان سەیری هەواڵ و فیلم بکەن، هەرچەندە تەلەفزیۆن لە سەرەتای دامەزراندنیەوە گەشە و داهێنانی زۆری بەخۆیەوە بینیوە، بەڵام هێشتا لە سەردەمی مۆدێرن پەیوەندیدارە، بەهۆی گۆڕانی کۆمەڵگاوە جۆری نمایشەکان و شێوازی بینینی بینەر و شێوازی پێشکەشکردنی زانیاریەکان گۆڕانکارییەکی گەورەی بەسەردا هاتووە، بەدرێژایی ساڵان تەلەفزیۆن بە جوانی خۆی لەگەڵ گۆڕانی شێوازی ژیانمان گونجاندووە و پەیوەندیدار بووە.
لە سەرانسەری جیهاندا هەموو ساڵێک ڕۆژی جیهانی تەلەفزیۆن بەڕێوەدەچێت، لێرەدا هەموو ئەو شتانەتان بۆ دەخەینەڕوو کە پێویستە بزانن لەکاتێکدا خۆمان ئامادە دەکەین بۆ ئاهەنگگێڕان بەو ڕۆژە تایبەتە.
لە ٢١ی تشرینی دووەم، هەموو ساڵێک، ڕۆژی جیهانی تەلەفزیۆن پیرۆز دەکەین، ڕۆژی جیهانی تەلەفزیۆنی ئەمساڵ دەکەوێتە سێشەممەیەکەوە.
فیلۆ تایلۆر فارنسوۆرس داهێنەرێکی ئەمریکی بوو کە یەکەم تەلەفزیۆنی کارەبایی لە ساڵی ١٩٢٧ دروستکرد، ٢١ی تشرینی دووەم لەلایەن کۆمەڵەی گشتی نەتەوە یەکگرتووەکان (UNGA) لە ساڵی ١٩٩٦ وەک ڕۆژی جیهانی تەلەفزیۆن ناسێندرا، یەکەمین کۆڕبەندی جیهانی تەلەفزیۆنی لە ساڵی ١٩٩٦ لە... نەتەوە یەکگرتووەکان لە ٢١ و ٢٢ی ئەم مانگە.

مەبەست لەم ڕۆژە ئەوەیە کە خەڵک باس لەوە بکەن کە تەلەفزیۆن چەندە گرنگە لە ژیانماندا، گفتوگۆ و گەڕان بەدوای ڕێگاکانی باشترکردنی شێوازەکانی پەخشکردن و ڕێگاکانی هاوکاریکردن هەیە، ژیانمان بە تەلەفزیۆن دەوڵەمەند بووە و بەدرێژایی ساڵان پەیوەندیدار بووە، تەلەفزیۆن شتێک پێشکەش بە هەموو کەسێک دەکات لە هەموو تەمەنێکدا، تەلەفزیۆن لە ڕۆژی جیهانی تەلەفزیۆندا لە چوارچێوەی گفتوگۆیەکدا باس لە گرنگی و گرنگییەکەی دەکرێت، جگە لەوەش بینەران لە سوود و کاریگەرییەکانی سەیرکردنی تەلەفزیۆن ئاگادار دەکرێنەوە، ئەو ئامێرەی کە جیهانی لەیەکتر نزیک کردووەتەوە.

هەواڵ

"حزبی دیموکرات دەڵێت "ئاسایش بێهزاد خوسرەوی رادەستی ئیتڵاعات کردۆتەوە

حزبی دیموکراتی کوردستانی ئێران دەڵێت" ئاسایشی سلێمانی بێهزاد خوسرەوی ئەندامی ئەو حزبەیان دەستگیرکردوە و رادەستی ئیڵاعاتی ئێرانیان کردۆتەوە، بەڵام ئاسایش دەڵێت لەسەر داوای خۆی گەڕێندراوەتەوە.

دەنگۆی رادەستکردنەوەی ئەندامێکی حزبی دیموکراتی کوردستانی ئێران، کە پارتێکی ئۆپۆزسیۆن، کاردانەوەی لێکەوتۆتەوە، ئاسایشی سلێمانی رۆژی هەینی رایگەیاند کە "بێهزاد خوسرەوی ماوەی مۆڵەتی مانەوەی لە هەرێم تەواو بووە بۆیە لەسەر داوای خۆی گەڕندراوەتەوە بۆ رۆژهەڵاتی کوردستان."

بەڵام ئەمڕۆ شەممە، حزبی دیموکراتی ئێران ئەو لێدوانە ڕەتدەکاتەوە و دەڵیت" بێهزاد خوسرەوی لەلایەن ئاسایشیەوە دەستگیرکراوە و رادەستی ئیتڵاعاتی سنە کراوەتەوە.

ڕۆژی 6-9-2024، ڕێکخراوی مافی مرۆڤی هەنگاو بڵاوی کردەوە، هەفتەی ڕابردوو چالاکوانێکی خەڵکی سەقز بەناوی بێهزاد خوسرەوی تەمەن 35 ساڵ کە خاوەن پێداویستیی تایبەت بووە و ئەندامی حیزبی دیموکراتی کوردستانی ئێران بووە، هاوکات ئەندامی فەرمی کۆمیسیاری باڵای پەنابەرانی نەتەوەیەکگرتووەکان بووە، دوای دەستگیرکردن و ئەشکەنجەدانی لەلایەن هێزە ئەمنییەکانی سلێمانی ڕادەستی ئێران کراوەتەوە.

ناوەندی تەشکیلاتی حیزبی دیموکراتی کوردستانی ئێران ڕایگەیاندووە، لە ماوەی دوو هەفتەی ڕابردوودا بەهزاد خوسرەوی لە شاری سلێمانی دووجار لەلایەن ئاسایشەوە بانگ کراوە و جاری دووەم و دوای چەند ڕۆژێک لە بەندکردن و ڕاگرتن، ڕادەستی ئیدارەی ئیتلاعاتی شاری سنە کراوەتەوە.

حیزبی دیموکرات وەڵامی ئاسایشی سلێمانی داوەتەوە و ئاماژەی بەوە کردووە، کە بەهزاد خوسرەوی ماوەی زیاتر لە 10 ساڵە لەگەڵ دایک و خوشکی لە هەرێمی کوردستان لە شاری سلێمانی دەژین و بەپێ هەموو بەڵگە بەردەستەکان، لە نیشینگەی شاری سلێمانی مۆڵەتی مانەوە و نیشتەجێبوونیان وەرگرتووە، مانەوەیان لەو شارە یاسایی و بەپێی ڕێوشوێنەکانی حکومەتی هەرێمی کوردستان بووە.

ماوەی حەوت ساڵ بەهزاد و بنەماڵەکەی ئەندامی حیزبی دیموکرات بوون، لە هەموو ئەو ماوەیەشدا لە چوارچێوەی یاسا و ڕێوشوێنەکانی حکومەتی هەرێمی کوردستان لە سلێمانی ژیاون،  هیچ لادان و سەرپێچییەک لە ناوبراو ڕووی نەداوە کە لە دادگایەکدا لەسەری سەلمێندراوبێت، تەنانەت وەک پەناخوازی سیاسی لە کۆمیساریای بەرزی پەنابەران، نوێنەرایەتیی UN لە هەرێمی کوردستان ناوی تۆمار کردوە. 

حیزبی دیموکرات ڕادەستکردنی بەهزاد خوسرەوی بە کۆماری ئیسلامیی ئێران سەرکۆنە دەکات و دەڵێت، دەبوایە دۆسیەی گرتنی بەپێی یاسا لە دەزگای دادی هەرێمی کوردستاندا بڕیاری لەسەر درابا، نەک ناوبراو کە ئەندامی حیزبێکی سیاسیی دژبەری ئێران و پەناخوازی سیاسی نیشتەجێی هەرێمی کوردستانە، لەلایەن دەزگای ئاسایشی سلێمانییەوە ڕادەست بکرێتەوە.