زانست

مۆدێلەکەی مەغریب ناسناوی شاجوانی ژیریی دەستکردی بەدەستهێنا

لەدوای نزیکەی سێ مانگ لە دەستپێکردنی دیاریکردنی شاجوانی ژیریی دەستکرد و دروستکەرانی جیهانی ئەی ئای،  دواجار مۆدێلەکەی وڵاتی مەغریب کە ناسراوە بە کەنیزە لەیلی، پلەی یەکەم و نازناوی شاجوانی ژیریی دەستکردی جیهانی بەدەست هێنا.
ئەم مۆدێلە لە نێوان 1500 مۆدێلدا هەڵبژێردراوە، کە لە رێگەی سیستمی کۆمپیوتەرییەوە دروستکراوەن لە سەرانسەری جیهانەوە بەشداریان تێدا کردبوو. توانی خەڵاتی 2000 دۆلار وەربگرێت.
لەدوای هەڵبژاردنی وەکو شاجوان، کەنزە سوپاسگوزاری خۆی بۆ هاوڕێ پێشبڕکێکارەکانی دەربڕی و جەختی لەسەر  ئەوەکردەوە کە خۆبەخشانە کاردەکات بۆ پێشخستنی هەمەجۆریی و توانای ژیریی دەستکرد بۆ باشترکردنی ژیان.
کەنزە لەیلی  زیاتر لە 138 فۆڵۆوەرسی لە تۆری ئینستاگرام هەیە، لەرێگەی هەریەک لە کۆمپانیا جیاهنییەکانی وەک هیۆندا و بایۆدێرما ناوبانگێکی زۆری بەدەستهێناوە.
ئامانجی بەشداریکردنی ئەم مۆدێلەی مەغریب، پیشاندانی توانا و هێزی ژنانی مەغریب و رۆژهەڵاتی ناوەراستبوو.
دروستکەرانی  کەنزە لەیلی ئاماژە بەوە دەکەن کە  تەکنەلۆجیایەکی ئالۆز لە دروستکردنی وێنە و ڤیدیۆ و دەنگئ بە رێژەی  100% پشت بە ژیریی دەستکرد دەبەستێت.

هەواڵ

"حزبی دیموکرات دەڵێت "ئاسایش بێهزاد خوسرەوی رادەستی ئیتڵاعات کردۆتەوە

حزبی دیموکراتی کوردستانی ئێران دەڵێت" ئاسایشی سلێمانی بێهزاد خوسرەوی ئەندامی ئەو حزبەیان دەستگیرکردوە و رادەستی ئیڵاعاتی ئێرانیان کردۆتەوە، بەڵام ئاسایش دەڵێت لەسەر داوای خۆی گەڕێندراوەتەوە.

دەنگۆی رادەستکردنەوەی ئەندامێکی حزبی دیموکراتی کوردستانی ئێران، کە پارتێکی ئۆپۆزسیۆن، کاردانەوەی لێکەوتۆتەوە، ئاسایشی سلێمانی رۆژی هەینی رایگەیاند کە "بێهزاد خوسرەوی ماوەی مۆڵەتی مانەوەی لە هەرێم تەواو بووە بۆیە لەسەر داوای خۆی گەڕندراوەتەوە بۆ رۆژهەڵاتی کوردستان."

بەڵام ئەمڕۆ شەممە، حزبی دیموکراتی ئێران ئەو لێدوانە ڕەتدەکاتەوە و دەڵیت" بێهزاد خوسرەوی لەلایەن ئاسایشیەوە دەستگیرکراوە و رادەستی ئیتڵاعاتی سنە کراوەتەوە.

ڕۆژی 6-9-2024، ڕێکخراوی مافی مرۆڤی هەنگاو بڵاوی کردەوە، هەفتەی ڕابردوو چالاکوانێکی خەڵکی سەقز بەناوی بێهزاد خوسرەوی تەمەن 35 ساڵ کە خاوەن پێداویستیی تایبەت بووە و ئەندامی حیزبی دیموکراتی کوردستانی ئێران بووە، هاوکات ئەندامی فەرمی کۆمیسیاری باڵای پەنابەرانی نەتەوەیەکگرتووەکان بووە، دوای دەستگیرکردن و ئەشکەنجەدانی لەلایەن هێزە ئەمنییەکانی سلێمانی ڕادەستی ئێران کراوەتەوە.

ناوەندی تەشکیلاتی حیزبی دیموکراتی کوردستانی ئێران ڕایگەیاندووە، لە ماوەی دوو هەفتەی ڕابردوودا بەهزاد خوسرەوی لە شاری سلێمانی دووجار لەلایەن ئاسایشەوە بانگ کراوە و جاری دووەم و دوای چەند ڕۆژێک لە بەندکردن و ڕاگرتن، ڕادەستی ئیدارەی ئیتلاعاتی شاری سنە کراوەتەوە.

حیزبی دیموکرات وەڵامی ئاسایشی سلێمانی داوەتەوە و ئاماژەی بەوە کردووە، کە بەهزاد خوسرەوی ماوەی زیاتر لە 10 ساڵە لەگەڵ دایک و خوشکی لە هەرێمی کوردستان لە شاری سلێمانی دەژین و بەپێ هەموو بەڵگە بەردەستەکان، لە نیشینگەی شاری سلێمانی مۆڵەتی مانەوە و نیشتەجێبوونیان وەرگرتووە، مانەوەیان لەو شارە یاسایی و بەپێی ڕێوشوێنەکانی حکومەتی هەرێمی کوردستان بووە.

ماوەی حەوت ساڵ بەهزاد و بنەماڵەکەی ئەندامی حیزبی دیموکرات بوون، لە هەموو ئەو ماوەیەشدا لە چوارچێوەی یاسا و ڕێوشوێنەکانی حکومەتی هەرێمی کوردستان لە سلێمانی ژیاون،  هیچ لادان و سەرپێچییەک لە ناوبراو ڕووی نەداوە کە لە دادگایەکدا لەسەری سەلمێندراوبێت، تەنانەت وەک پەناخوازی سیاسی لە کۆمیساریای بەرزی پەنابەران، نوێنەرایەتیی UN لە هەرێمی کوردستان ناوی تۆمار کردوە. 

حیزبی دیموکرات ڕادەستکردنی بەهزاد خوسرەوی بە کۆماری ئیسلامیی ئێران سەرکۆنە دەکات و دەڵێت، دەبوایە دۆسیەی گرتنی بەپێی یاسا لە دەزگای دادی هەرێمی کوردستاندا بڕیاری لەسەر درابا، نەک ناوبراو کە ئەندامی حیزبێکی سیاسیی دژبەری ئێران و پەناخوازی سیاسی نیشتەجێی هەرێمی کوردستانە، لەلایەن دەزگای ئاسایشی سلێمانییەوە ڕادەست بکرێتەوە.