Tech
نرخ و تایبەتمەندییەکانی.. وردەکاری نوێ دەربارەی ئایفۆن ١٦
2024-07-18
بەگوێرەی وردەکارییە ڕاگەیەندراوەکان، بڕیارە مۆبایلی داهاتووی ئەپڵ تەکنەلۆژیای نوێ و ناوازەی تایبەت بە پاتری تێدابێت، کە ئامانج لێی ئاسانکارییە بۆ پڕۆسەی گۆڕینی پاتری.
ئایفۆن ١٦ پرۆ ماکس
ئەپڵ ساڵانە وەشانی نوێی مۆبایلەکانی دەخاتە بازاڕەوە، سەبارەت بە وادەی خستنەبازاڕی ئایفۆن ١٦ پرۆ ماکس کە بە یەکێک لە باشترین و جیاوازترین وەشانی کۆمپانیاکە دادەنرێت، بڕیارە لە مانگی ئەیلولی ٢٠٢٤ بە فەرمی بۆ بەکارهێنەران بەردەست ببێت.
جۆرەکانی ئایفۆن ١٦ بریتیین لە: ئایفۆن ١٦، ئایفۆن ١٦ پڵەس، ئایفۆن ١٦ پرۆ، ئایفۆن ١٦ پرۆ ماکس.
بەگوێرەی ماڵپەڕی بزنس ئینسایدەر، پێشبینی دەکرێت نرخی سەرەتایی مۆبایلەکانی ئایفۆن ١٦ بەم شێوەیە بێت: پێشبینی دەکرێت نرخی ئایفۆن ١٦ بە ٧٩٩ دۆلار بخەمڵێندرێت، ئایفۆن ١٦ پڵەس ٨٩٩ دۆلار، ئایفۆن ١٦ پرۆ ٩٩٩ دۆلار و پێشبینیش دەکرێت نرخی ئایفۆن ١٦ پرۆ ماکس ١١٩٩ دۆلار بێت.
تایبەتمەندیەکانی ئایفۆن ١٦
مۆبایلەکە شاشەیەکی گەورەی LTPO OLED ی 6.7 ئینجیی هەیە، کە ڕێژەی نوێبوونەوەی دەگاتە 120 هێرتز، هەروەها پارێزگارییەکی پێشکەوتووی Ceramic Shield ی لەگەڵدایە بۆ پاراستن لە خراپبوون و شۆک.
پڕۆسێسەری Hexa-core A18 Pro هەیە، لەگەڵ تەکنەلۆژیای بەرهەمهێنانی 3nm بۆ کارایی خێرا و بەرز.
جگە لە کامێرای پێشەوەی ١٢ مێگاپێکسڵ، و سیستەمی کامێرای دواوە کە سێ عەدەسەی تێدایە بە ڕوونی جیاواز.
هەروەها پاترییەکی بەهێزی هەیە بە توانای 4422 میلی ئەمپێر، کە پشتگیری لە شەحنکردنەوەی خێرا دەکات لە 50% تەنها لە ماوەی 30 خولەکدا.
ئایفۆن ١٦ توانای هەڵگرتنی جیاواز پێشکەش دەکات، کە بریتین لە 256 گێگابایت و 512 گێگابایت و 1 تێرابایت.
More News
 copy.jpg)
Most Popular
-
هەفتەی داهاتوو بەغدا مووچەی مانگی حەوت دەنێرێت
هەواڵ2025-09-25
1
-
پارتی بە دهۆک و یەکێتی بە کەرکووک دەیانەوێت زۆرترین کورسی بەدەستبهێنن
هەواڵ2025-09-24
2
-
حکومەتی فیدراڵ رای ئەنجوومەنی دەوڵەت تاوتوێ دەکات
هەواڵ2025-09-23
3
-
لەم راپۆرتەدا بزانە داننان بە فەڵەستین بەواتەی چی دێت
هەواڵ2025-09-23
4
-
دوای نزیکەی 30 مانگ لە راگیرانی هەناردەی نەوتی هەرێمی کوردستان دەستیپێکردەوە
هەواڵ2025-09-27
5
-
پێش هەشت ساڵ باشووری کوردستان ریفراندۆمی ئەنجامدا
هەواڵ2025-09-25
6
-
"رێککەوتنمان لەگەڵ عێراق بۆ سێ مانگە"
هەواڵ2025-09-24
7
-
تۆماس بارەک: دیمەشق و تەلئەڤیڤ لە رێککەوتن نزیکن
هەواڵ2025-09-24
8
هەواڵ
مەسرور بارزانی و محەمەد شیاع سوودانی بەتەلەفۆن قسەیان کرد
2025-09-27
سەرۆکی حکومەتی هەرێمی کوردستان دەڵێت، داوای لە
سوودانی کردووە کێشەی مووچە و شایستە داراییەکان بەشێوەیەکی بنەڕەتی چارەسەر ببێت
و هیچ مووچەیەکی ئەمساڵیش نەفەوتێت.
نووسینگەی سەرۆکی ئەنجوومەنی وەزیران
بڵاویکردەوە، ئەمڕۆ مەسرور بارزانی، سەرۆکی حکومەتی هەرێمی کوردستان، پەیوەندییەکی
تەلەفۆنی لە سەرۆک وەزیرانی فیدراڵ محەمەد شیاع سوودانی پێگەیشت.
لە بڵاوکراوەکەدا هاتووە، لە پەیوەندییەکەدا هەردوولا
هەناردەکردنەوەی نەوتی هەرێمی کوردستانیان بە دەستکەوتێکی گرنگ ناوبرد کە لە خزمەتی
هەموو عێراقییەکاندایە.
هەروەها سەرۆک وەزیرانی فیدراڵ سوپاسی سەرۆکی
حکومەتی کرد بۆ گەیشتن بەم ڕێککەوتنە گرنگە و سەرۆکی حکومەتیش دەستخۆشی لە سەرۆک وەزیرانی
فیدراڵ کرد بۆ نەهێشتنی ئاستەنگەکانی بەردەم گەیشتن بە ڕێککەوتنەکە.
لایخۆشییەوە، سەرۆکی حکومەتی هەرێمی کوردستان هیوای
خواست ئەم ڕێککەوتنە ببێتە ڕێخۆشکەر بۆ دەرچوونی یاسای نەوت و گاز.
هاوکات، سەرۆکی حکومەت داواشی کرد کێشەی مووچە
و شایستە داراییەکانی خەڵکی کوردستان، بە شێوەیەکی بنەڕەتی چارەسەر ببێت بۆ ئەوەی
چیتر خەڵکی کوردستان لە دڵەڕاوکێدا نەبن . وتیشی نابێت مووچەکانی ئەمساڵیش بفەوتێن.
ئەوەشخراوەتەڕوو، سەرۆک وەزیرانی فیدراڵ و سەرۆکی
حکومەت هاوڕابوون لەسەر ئەوەی لە بودجەی گشتیی فیدراڵ بۆ ساڵی 2026 ، پێویستە هەرێمی
کوردستان بەشە بودجەی خۆی هەبێت.
باس لەوەشکراوە، سەرۆک وەزیرانی فیدراڵ جەختی
کردەوە کە دەرفەتی ئابووری گرنگ لە ئارادان بۆ ئەنجامدانی گەشەپێدانی زیاتر لە هەموو
عێراق، لە بەسڕەوە تا هەرێمی کوردستان.
لە کۆتاییدا هەردوو سەرۆک باسیان لە گرنگیی ئەنجامدانی
پڕۆژی ڕێگەی گەشەپێدان کرا و، کە بۆ ئەم مەبەستە، بەم زووانە لیژنەیەکی تایبەت لە
بەغداوە سەردانی هەرێمی کوردستان دەکات بۆ نەهێشتنی هەموو ئاستەنگەکان لە بەردەم جێبەجێکردنی
ئەم پڕۆژە گرنگە کە کاریگەرییەکی گەورەی لە سەر گەشەپێدانی ئابووری لە هەموو عێراقدا
دەبێت.
