زانست

جارێکی تر؛ هەوڵ بـۆ دۆزینەوەی پاشماوەکانی کەشتیی تایتانیک دەدرێت

ئەو کۆمپانیایەی کە خاوەنی مافی هێنانە دەرەوەی پاشماوەی کەشتیی تایتانیکی هەیە، دوای چەندین ساڵ یەکەمین گەشتی خۆی بۆ گەڕان بە دوای پاشماوەی کەشتییەکە ئەنجام دەدات، ئەوانەی بەشدارن لە ئەرکەکەدا رایدەگەیەنن، دڵنیان گەشتەکە قورس دەبێت بەڵام لە هەمان کاتیشدا ئامانجی گەورەیان هەیە بۆ گەشتێک کە ساڵێک دوای کارەساتی ژێردەریایی تایتان دێت کە بووە هۆی گیانلەدەستدانی پێنج کەس.
کۆمپانیای RMS Titanic Inc. کە بنکەکەی لە جۆرجیایە، مافی یاسایی هەیە بۆ پشکنین و دەرهێنانەوەی پاشماوە کەشتیی تایتانیک، کە لە ساڵی 1912دا لە زەریای ئەتلانتیک نقوم بوو.
گەشتەکەی کۆمپانیاکە بۆ کەشتییەکەی تایتانیک یەکەمین گەشتە لە دوای ساڵی 2010ەوە و رۆژی هەینی دەستیپێکرد.
ئەمە لە کاتێکدایە، ساڵێک پێش ئێستا ژێر دەریایی تایتان کاتێک چووە ناو قوڵایی زەریای ئەتلانتیکەوە بۆ گەڕان بە دوای پاشماوەی تایتانیکدا تەقییەوە و سەرجەم سەرنشینەکانی گیانیان لەدەستدا.
نوێنەرانی کۆمپانیاکە رایانگەیاند، گەشتەکە تەکنەلۆجیای نوێی وێنە بەکاردەهێنێت و ئامێری بێ شۆفێر بەکاردەهێنێت بۆ گرتنی وێنەی وردی تایتانیک و شوێنەکەی.

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.