هەواڵ
کێشە ناوخۆییەکانی بزوتنەوەی گۆڕان لە بەرژەوەندی کوڕانی نەوشیروان مستەفا یەکلایی بووەوە
2025-03-27
بەپێی نوسراوێکی کۆمسیۆنی باڵای سەربەخۆی
هەڵبژاردنەکانی عێراق، کێشە ناوخۆییەکانی گۆڕان یەکلاییکرایەوە و بزوتنەوەی
گۆڕان(بەرەی کوڕانی نەوشیروان مستەفا) سەرەتای مانگی داهاتوو لە گردی زەرگەتە
کۆنفرانسی نیشتمانی دەبەستن.
جڤاتی نیشتیمانی بزوتنەوەی گۆڕان بڵاویکردەوە، پاڵپشت
بە بڕیاری فەرمانگەی پارتە سیاسیەکانی کۆمسیۆنی باڵای سەربەخۆی هەڵبژاردنەکانی عێراق،
لە رۆژی شەممە، 5ی 4ی 2025، کاتژمێر 10ی بەیانی، سێیەمین کۆنفرانسی نیشتیمانی لە مەکۆی
سەرەکی لە گردی زەرگەتە لە شاری سلێمانی ئەنجام دەدات.
جڤاتی نیشتیمانی، گۆڕانخوازان و هەڵسوڕاوانی گۆڕان
و هەموو ئەندامانی دەستەی گشتی (الهیئة العامة) بانگێهێشت دەکات، بۆ بەشداری کۆنفرانسی
نیشتیمانی.
جڤاتی نیشتیمانی
کە بە بەرەی کوڕانی نەوشیروان مستەفا ناسراون رایانگەیاندووە، حەق بەسەر باتڵدا زاڵ
بووە و موئامەرەی کودەتاچیەکان هەڵوەشایەوە.
دوای کردنەوەی
بریکارنامە لەلایەن عومەری سەید عەلی رێکخەری پێشوی بزوتنەوەی گۆڕانەوە بۆ دانان
ئەحمەد مەجید، ناڕەزایی کوڕانی نەوشیروان مستەفای لێکەوتەوە، کە بە وتەی خۆیان
زۆرینە خڤاتی نیشتمانی پشتیوانیان دەکەن، ئەمەش وایکرد، رۆژی 27ی ئەیلولی ساڵی
رابردوو دەرگای گردەکە دابخرێت.
لەدوای داخستنی
دەرگای گردەکە هەردوو بەرەکە(دانا ئەحمەد مەجید و کوڕانی نەوشیرون مستەفا) بوون بە
بەرەی دژ بە یەک و بەرەی دانای ئەحمەد مەجید لە گەڕکی کوردسات بارەگایان دانا و
لەو کاتەوە هەردوولایان خۆیان بە خاوەنی بزوتنەوەی گۆڕان دەزانن.
بەپێی
نوسراوەکەی کۆمسیۆن بەرەی کوڕانی نەوشیروان مستەفا دەتوانن کۆنفرانس ببەستن، بەڵام
دیارنییە ئایا کۆمسیۆن هەمان ماف دەدات بە بەرەی دانای ئەحمەد مەجید؟ تا ئێستایش
ئەو بەرەیەی دانای ئەحمەد مەجید سەرپەرشتییان دەکات هیچ هەڵوێستێکیان لەسەر ئەو
نوسراوەی کۆمسیۆن رانەگەیاندووە.
بابەتی لێکچو
More News
 copy.jpg)
Most Popular
-
ئیسرائیل و ئەمریکا کەی هێرش دەکەنە سەر ئێران؟
هەواڵ2025-04-03
1
-
شەش هەزار خاڵ بۆ پۆلێنکردن... یاسا بۆ دیاریکردنی نرخی هۆتێل لە هەرێمی کوردستان نییە
هەواڵ2025-04-02
2
-
دراگونۆڤ چەکەکەی دەستی خامنەیی.. کۆد و پەیامەکانی وتارەکەی خامنەیی بە چەکەوە
هەواڵ2025-04-01
3
-
.jpg)
کورد دانیشتنەکانی پەرلەمانی عێراق پەکدەخات
هەواڵ2025-04-03
4
-
تورکیا بە کۆنترۆڵکردنی بنکەیەکی ئاسمانی دەیەوێت حوکمی سوریا بکات
هەواڵ2025-04-02
5
-
دابەشکردنی پۆست پارتی و یەکێتی کۆدەکاتەوە
هەواڵ2025-04-02
6
-
لە کۆی 3 هەزار و 900 تووشبووی ئۆتیزم تەنها 394ـیان مووچەیان هەیە
هەواڵ2025-04-02
7
-
ئیسرائیل هەنگاوی کرداری دژی فروانبوونی هەژموونی تورکیا لە سوریا دەگرێتەبەر
هەواڵ2025-04-03
8
هەواڵ
هەسەدە لە دوو گەڕەکە کوردییەکەی حەلەب کشایەوە
2025-04-04
ئەمڕۆ خاڵیکی تر رێککەوتنی حکومەتی ڕاگوزەری سووریا و ئەنجومەنەکانی
هەردوو گەڕەکی ئەشرەفییە و شێخ مەقسود لە حەلەب، جێبەجێکرا و هێزەکانی هەسەدە لە
گەڕەکەکان کشانەوە.
رۆژی دووی نیسان، حکومەتی راگوزەری سوریا و ئەنجومەنەکانی
هەردوو گەڕەکی ئەشرەفییە و شێخ مەقسود لە حەلەب، رێککەونێکیان بۆ ئیدارەدان و
پاراستنی ئەو دوو گەڕەکە ئیمزاکرد.
رێککەوتنەکە لە 14 خاڵ پێکهاتووە
و گرنگترین خاڵەکانی، ئازادکردنی زیندانییەکانی یەکتری و کشانەی هێزە سەربازییەکان
لە گەڕەکەکان و بەشداری کورد لە پێکهاتەی ئاسایشی پاراستنی گەڕەکەکان.
دوێنێ ئەو خاڵەی تایبەتبوو بە ئازادکردنی زیندانییانی هەردوولا
جێبەجێکرا، هەروەها 146 بارمتە لە ئەنجومەنی شێخ مەقسود و ئەشرەفییە و 97 کەسی سەر
بە حکومەت ئازاد کران.
ئەمڕۆ چواری نیسان، خاڵی شەشەمی رێککەتنەکە چووە بواری
جێبەجێکردنەوە و هێزە سەربازییەکان لەو دوو گەڕەکە بۆ ناوچەی ڕۆژهەڵاتی فورات کشانەوە.
وەک لە رێککەوتنەکەدا هاتووە، ژمارەیەک شەڕڤانانی هەسەدە
لەگەڵ ئاسایشی ناوخۆ لە ژێر ناوی هێزی ئاسایشی ناوخۆ یەک دەخرێن تاوەکو لە رووی ئەمنییەوە
گەڕەکە کوردنیشنەکان بپارێزن.
گەڕەکەکانی
شێخ مەقسود و ئەشرەفییە، دوو گەڕەکی کوردنشینی پارێزگای حەلەبن لە سوریا و نزیکەی
300 هەزار کورد تێیاندا دەژین.
