هەواڵ

شەوی رابردوو لە رۆژئاوای کوردستان چی روویدا؟

درونگانێکی شەوی رابردوو، گروپێکی چەکداری سەر بە سوپای حکومەتی راگوزەری سوریا هەوڵیاندا هێرشبکەنوە سەر ناوچە تەنقا و دەت بەسەر چەند گوندێکدا بگرن، بەڵام هێزەکانی سوریای دیموکرات بە توندی وەڵامی هێرشەکەیان دایەوە و هەر بە زوویی هێرشەکەیان تێک شکاند.

رووداوەکە بەمشێوەیە بوو، کاتێک چەکدارانی هێزەکانی حکومەتی راگوزەری سوریا یستیان دزەبکەن بۆ ناو گوندی دێر حەفەر کە دەکەوێتە باشووری ڕۆژهەڵاتی ناوچەی تەبقا لە باکوری ڕۆژهەڵاتی سوریا، شەڕڤانانی هەسەدە لێیان دێنە دەست و چەکدارەکان بە ئامانج دەگرن و بەچڕی و بە چەکی قورس لێیان دەدەن.

لەبارەی تێکشکاندنی هێرشی گروپەکەی سەر بە سوپای سوریا، هەسەدە رایگەیاند، سەرکەوتووانە ئەو هەوڵانەیان پوچەڵ کردووەتەوە

هێزەکانی سوریان دیموکرات جەخت لەوە دەکاتەوە، کە بەرپرسیارێتی تەواوی ئەو هێرشانە دەکەوێتە ئەستۆی ئەو لایەنەی کە دەستیکردووە بە پێشێلکارییە بەردەوامەکان، کە هەڕەشە لە سەقامگیری گشتی دەکات.

هەسەدە دڵنیایی دەدات بە هاووڵاتیان، کە دۆخەکە بەتەواوەتی کۆنترۆڵکراوە ولە ئامادەباشی بەردەوامدان بۆ ڕووبەڕووبوونەوەی هەر پێشێلکارییەکی نوێ

لە راگەیەندراوەکەیدا هەسەدە هەڕەشە دەکات و دەڵێت: هەر هەوڵێکی زیاتر بۆ زیادەڕەوی بە وەڵامێکی توند وەڵام دەدرێتەوە کە ئاسایشی ناوچەکە بپارێزێت و کەرامەتی گەلەکەی بپارێزێت.

دوای تێکشکاندنی هێرشی گروپێکی سەر بە حکومەتی راگوزەری سوریا، فه رهاد شامی بەڕێوەبەری ڕاگه یاندنی هەسەدە لە لێدوانێکی رۆژنامەوانیدا وتی: ئێستا بارودۆخه که ئارامه.

هەواڵ

حکومەتی هەرێم هەڕەشەی کشانەوە لە پرۆسەی سیاسی عێراق دەکات

وتەبێژی حکومەتی هەرێمی کوردستان ڕایدەگەیەنێت، لەئەگەری رێکنەکەوتن لەگەڵ حکومەتی عێراق، لە پرۆسەی سیاسی دەکشێنەوە و بەشداری هەڵبژاردن ناکەن.

پێشەوا ھەورامی، وتەبێژی حکومەتی ھەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاندووە "بڕیاری ٥٥٠ ھەیە، لەم بڕیارە چەند مەرجێک بۆ حکومەتی ھەرێمی کوردستان دیاری کراوە، عێراق داھاتی نانەوتی و ھەناردەکردنەوەی نەوتیی ھەرێمی کوردستان دەکەنە مەرجی ناردنی مووچە، ئەوە چارەسەری کێشەی ناردنی مووچەکانی ئەمساڵ دەکات، چونکە ناکرێت مووچەی چەند مانگێک ڕەوانە نەکرێت و بەو شێوەیە تەماشا بکەین و بێ دەنگ بین".

ئاماژەی بەوەشکردوە، ھیوایان بە گفتوگۆ ھەیە بۆ رێککەوین، بەڵام ئەگەر نەکرا کۆمەڵێک بژاردەیان لەبەردەمە، وەکو کشانەوە لە پرۆسەی سیاسی و بەشدارینەکردن لە ھەڵبژاردن و بەشدارینەکردن لە پرۆسەی سیاسی، بۆیە ئەگەر گەیشتینە ئەو قۆناغە ئەوکات ھیچ گفتوگۆ نامینێت.

دەشڵێت، ئەگەر دۆخەکە بگاتە بن بەست ئەو داھاتەی لەبەردەستی حکومەت دایە بە داپەروەرانە بەسەر خەڵکدا دابەشی دەکات، ئەوە باشترە لەوەی پێشێلی زیاتری مافی خەڵکی ھەرێمی کوردستان بکرێت و وەزیرێک بە کەیفی خۆی بیەوێت وەکو پارێزگا مامەڵە لەگەڵ ھەرێمی کوردستان بکات.

پێشەوا ھەورامی باسی لەوەشکردووە، لە یاسای ئیدارەی مالی لە ماددەی 29 زۆر بەئاشکرا باس لەوە کراوە گومرگ و باج %50ی بۆ عێراق بێت، ڕسومات ئەوانەی بەپێی یاساکانی ھەرێمی کوردستان دیاریکراون 100%ی بۆ حکومەتی ھەرێمی کوردستان دەبن، ئەوانەی بەپێی یاسای عێراق جێبەجێ دەکرێن ئەوان 50%ی بۆ عێراق دەبن، ئێمە لەوە کێشەمان نیە و لە دوا کۆبوونەوەی ئەنجوومەنی وەزیران  سەرۆک وەزیران باسی لەوە کردووە 100%ی ئەو داھاتەمان دەوێت.

ئەنجوومەنی دەوڵەت بڕیار لەسەر ھەرێمی کوردستان نادات، تەنیا ڕایان وەردەگیرێت، ئەویش حکوومەتی عێراق داوای کردووە نەک ئێمە، تەنیا بەرچاوڕوونییە و دەدرێتە حکوومەتی عێراق، پێشتر دادگای فیدراڵی یەکلایی کردەوە، ئێستاش ئەنجوومەنی دەوڵەت، نازانین دواتریش چی لێ دێت، بۆیە دەستی دەستی پێدەکرێت، بەپێی یاسا ھەمووی دیاری کراوە وڕوون وئاشکرایە، هەورامانی وادەڵێت.