هەواڵ
بۆئەوەی هیچ مووچەیەکی ئەمساڵ نەفەوتێت دەبێت 18رۆژ جارێک مووچە دابەشبکرێت
2025-09-08
مووچەخۆرانی هەرێم تائێستا مووچەی شەش مانگی ئەمساڵیان
وەرگرتووە، بۆئەوەی موچەی مانگەکانی 7 و 8 و 9 و 10 و 11 و
12، وەربگرن دەبێت حکومەتی هەرێم 18 رۆژ جارێک مووچە
دابەشبکات، چارەنوسی ئەو شەش مووچەیەش هێشتا دیارنییە.
لەگەڵ ئەوەیمووچەخۆرانی هەرێم دەبوایە مووچەی مانگی 8 وەربگرتایە و چاوەڕوانی
مووچەی مانگی 9 بونایە، بەڵام تائێستا شەش مووچەیان وەرگرتووە،
لەکاتێکدا مووچە خۆران چاوەڕێی یەکلاییبوونەوەی مووچەی مانگی 7 و 8، بەڵام تائێستا مووچەی شەش
مانگی ئەمساڵ چاەنوسی بە ناروونی ماوەتەوە.
چەند رۆژێکە شاندێکی هەرێم بۆ یەکلاییکردنی پرسی داهاتی
ناوخۆ و هەناردەکردنەوەی نەوتی هەرێم لە بەغدان، چارەنوسی مووچەی هەرێم بەستراوە
بە دەرئەنجامی ئەو کۆبونەوانەوە.
ڕێباز حه‌ملان، یاریده‌ده‌ری سه‌رۆك وه‌زیرانی هەرێم ئەمڕۆ رایگەیاند، هه‌رێمی
كوردستان و به‌غدا نزیكن له ڕێكه‌وتن و موچه‌ی مانگه‌كانی حه‌وت و هه‌شتی ئه‌مساڵ
په‌یوه‌سته به‌و گفتوگۆیانه‌ی كه ئێستا هه‌ردوولا ئه‌نجامی ده‌ده‌ن.
لیژنەکانی حکومەتی هەرێم و حکومەتی عێراق بەچڕی کۆبونەوەکانیان
بەردەوامە، دوێنێ بەشێک لە وردەکاریەکان ئاراستەی سودانی کراون، لەسەر ئەو بنەمایە
بڕیاردەدات، ئاخۆ دۆسیەکە بخرێتە کۆبونەوەی سبەینێی ئەنجومەنی وەزیران یاخود نا.
تا ئێستاش کۆمپانیاکان لەسەر ڕادەستکردنی نەوت بە سۆمۆ بڕیاری
کۆتاییان نەداوە، لەسەر ڕادەستکردنی داهاتە نەوتیەکانیش هێشتا هەردوولا بەپێشنیاری
یەک ڕازی نەبوونە
بۆ کۆتاییهاتنی ئەمساڵ تەنیا 112 رۆژی ماوە و مووچەی شەش
مانگیش دەبێت دابەش بکرێت، لە ئێستاوە تا کۆتایی ساڵ ئەگەر 18 رۆژ جارێک مووچە دابەشبکرێت
ئەوکاتە موچەی هیچ مووچەخۆرێک لەمساڵدا نافەوتێت.
بابەتی لێکچو
More News
 copy.jpg)
Most Popular
-
گومان لە دواخستنی هەڵبژاردنی پەرلەمانی عێراق دەکرێت و مالیکی هۆشداری دەدات
هەواڵ2025-09-06
1
-
چارەنوسی پێکهێنانی کابینەی 10 کەوتووەتە دەست قەدەرێکی نادیار
هەواڵ2025-09-06
2
-
هەوکردنی گوێی ناوەڕاست چییە؟ نیشانەکانی کامانەن؟
تەندروستی2025-09-09
3
-
بۆئەوەی هیچ مووچەیەکی ئەمساڵ نەفەوتێت دەبێت 18رۆژ جارێک مووچە دابەشبکرێت
هەواڵ2025-09-08
4
-
بۆ یەکەمجار کێشەکانی هەرێم و بەغدا ئاراستەی ئەنجومەنی دەوڵەت کرا
هەواڵ2025-09-09
5
-
هەرێم و بەغدا رێکنەکەون چارەنوسی مووچە دەکەوێتە دەست دادگای فیداراڵی
هەواڵ2025-09-08
6
-
عێراق هاوردەی وڵاتەکەی بۆ نیوەی یەکەمی 2025 بڵاوکردەوە
هەواڵ2025-09-06
7
-
وەزیری دادی عێراق و دامەزراوەی ڤیژن کۆبوونەوە
هەواڵ2025-09-06
8
هەواڵ
بۆ یەکەمجار کێشەکانی هەرێم و بەغدا ئاراستەی ئەنجومەنی دەوڵەت کرا
2025-09-09
تائەمڕۆیش هەرێم و بەغدا لەسەر داهاتی ناوخۆ و
رادەستکردنی نەوت نەگەیشتن بەڕێککەوتن، بۆیە سەرۆک وەزیرانی عێراق کرۆکی کێشەکانی ئاراستەی ئەنجومەنی دەوڵەت کرد، بەڵام شێوازی ئاراستەکردنی راپۆرتەکە دەسەڵات بە ئەنجومەنەکە دەدات بڕیارەکی راوێژکاری بێت یان پابەندی بێت.
ئەنجوومەنی دەوڵەت کە پێشتر ناوی "ئەنجوومەنی
شورای دەوڵەت" بووە، لەساڵی 1929 دامەزراوە، لەساڵی 1933 یاساکەی لە رۆژنامەی
وەقائیعی عێراقی بڵاوکراوەتەوە، لەو کاتەوە بۆچوون و بڕیاری خۆی لەبارەی بابەتە
کارگێڕییەکان لە عێراق دەدات.
ساڵی 2017 یاسای ئەنجوومەنی شورای دەوڵەت هەموارکرایەوە
و ناوەکەی گۆڕدرا بۆ ئەنجومەنی دەوڵەت، جگە لە گۆڕینی ناوەکەی سەربەخۆی دارایی و
کارگێڕیی بە ئەنجومەنەکە بەخشرا و وەک ئەنجومەنێکی سەربەخۆ دەسەڵاتی پێدرا.
پێشتر ئەنجومەنەکە بەشێک بوو لە وەزارەتی دادی
عێراق، بەڵام دوای هەموارکردنەوەی یاساکەی وەکو دەستەیەکی سەربەخۆ ناسێندرا کە ئەرکی
دادگای کارگێڕی و فەتوا و داڕشتنە یاساییەکان دەبێت، ئەنجوومەنەکە بە مەرجەعی بڕیار
و دادگا کارگێڕییەکان لە عێراق هەژمار دەکرێت.
دادگای کارگێڕی، دادگەی فەرمانبەران، دادگەی باڵای
کارگێڕی، سێ لە دیارترین دادگەکانی سەر بەو ئەنجوومەنەن.
دادگاکە بەپێی ئەرکەکانی بۆچوونی خۆی لەبارەی ئەو
بابەتانەوە دەدات، کە لەلایەن ئەنجوومەنی وەزیران، سەرۆکایەتیی کۆمار و پەرلەمان دەخرێتە
بەردەستی، نێوبژیوانی لەو کێشانەدا دەکات لەنێوان وەزارەت و لایەنە ناپەیوەستەکان
بە وەزارەتەوە روودەدەن، روونکردنەوەی لە دەقە ناڕوونەکان بەکاردەهێنرێت.
بەپێی یاسا، سەرۆکی ئەنجومەنی دەوڵەت دەسەڵاتی
وەزیری دەبێت و هەروەها، بودجەیەکی سەربەخۆی هەیە کە لە بودجەی گشتی دەوڵەت دابین
دەکرێت.
هەرکاتێک وەزارەت و دەستەکان داوای
یەکلاییکردنەوەی دۆسیەیەک لە ئەنجومەنەکە بکات، ئەو کاتە بڕیاری ئەنجومەنەکە دەبێت
جێبەجێبکرێت.
بەپێی یاسا، بڕیاەکانی ئەنجومەنی دەوڵەت بۆ سێ
سەرۆکایەتییەکی عێراق راوێژکارییە و لە رووی یاساییەوە هیچ پابەندییەکی تێدانییە.
ئەمڕۆ، محەمەد شیاع سودان، سەرۆک وەزیرانی
عێراق کرۆکی ناکۆکییەکانی هەرێم و بەغدای لە راپۆرتێکدا ئاراستەی ئەنجەمەنەکە کرد،
ئەگەر نوسراوەکەی ئەنجومەنی وەزیران بەناوی سەرۆکایەتی ئەنجومەنی وەزیرانەوە
ئاراستە کرابێت ئەو بڕیارەکەی راوێژکارییە.
لە سەرەتای ئەمساڵەوە حکومەتی هەرێم و بەغدا
لەسەر شێواز و بڕی رادەستکردنی داهاتی ناوخۆ ناکۆکی قویان هەیە، هەروەها تائێستا
پرسی هەناردەکردنەوەی نەوتی هەرێم یەکلایی نەکراوەتەوە، ئەمەش کێشەی بۆ ناردنی
مووچەی هەرێم لەلایەن بەغداوە دروتکردووە.
هەفەتەی رابردوو، سودانی بە بەرپرسانی هەرێمی
راگەیاندبوو، ئەگەر شاندی هەرێم و بەغدا نەگەن بە رێککەوتن، ئەوا ناوەڕۆکی راپۆرتەکان
ئاراستەی دادگای فیدراڵی یان ئەنجومەنی دەوڵەت دەکات، بۆ ئەوەی لەوێ یەکلایی
بکرێنەوە.
