تەندروستی

نهێنی ڕەنگی سوور... 9 هۆکار بۆ ئەوەی ئەم خواردنانە هەڵبژاردەیەکی گونجاون بۆ تەندروستی و کێشت

تەماتە و بیبەری سوور و شووتی و گێلاس و میوە و سەوزە سوورەکانی تر بەزۆری تامێکی زۆریان هەیە و دەوڵەمەندن بە پێکهاتەی سودبەخش وەک دژە ئۆکسێنەر.
بەپێی ئەوەی ڕۆژنامەی "کاتی ئینیدا" بڵاویکردۆتەوە، سوودی تەندروستی بۆ گەشەکردنی هەمەلایەنەی جەستە دابین دەکات، بەم شێوەیەی خوارەوە:

1. تایبەتمەندی دژە ئۆکسانی هەیە
سەوزە و میوەی سوور دژە ئۆکسانی تێدایە کە یارمەتی بەرەنگاربوونەوەی ڕادیکاڵە ئازادەکان دەدات، ئەمەش مەترسی تووشبوون بە نەخۆشییە درێژخایەنەکان کەمدەکاتەوە.
2. تەندروستی دڵ
ئەو خۆراکە ڕووەکیانەی کە لە سەوزە و میوەی سووردا هەن دەتوانن تەندروستی دڵ و خوێنبەرەکان بەرەوپێش ببەن لەڕێگەی دابەزاندنی پەستانی خوێن و دابەزاندنی ئاستی کۆلیسترۆڵ.

3. خۆپاراستن لە شێرپەنجە
هەندێک لە سەوزە و میوەی سوور وەک تەماتە پەیوەندییان بە کەمبوونەوەی مەترسی تووشبوون بە هەندێک شێرپەنجەوە هەیە بەهۆی بەرزی ڕێژەی لیکۆپینیان.

4. باشترکردنی بینین
سەوزە سوورەکان وەک بیبەری سوور ڕێژەیەکی زۆر ڤیتامین سی و کارۆتینۆیدیان تێدایە کە پاڵپشتی تەندروستی چاو دەکەن و لەوانەیە ئەگەری تێکچوونی چاو کەم بکاتەوە کە پەیوەندی بە تەمەنەوە هەیە.
5. پێستێکی تەندروست
دژە ئۆکسێنەرەکان کە لە سەوزە و میوەی سووردا هەن دەتوانن یارمەتی پاراستنی پێست بدەن لە زیانەکانی تیشکی سەروو بنەوشەیی و بەرەوپێشبردنی پێستێکی تەندروست و درەوشاوە دەبن.

6. دژە هەوکردنە
میوە سوورەکانی وەک گێلاس و کاڵەک تایبەتمەندی دژە هەوکردنیان هەیە کە دەتوانێت ئازارەکانی پەیوەست بەم حاڵەتە کەم بکاتەوە.

7. دابەزاندنی کێش
ڕێژەی بەرزی ڕیشاڵی سەوزە و میوە سوورەکان دەتوانێت یارمەتیدەر بێت لە بەڕێوەبردنی کێش لە ڕێگەی بەرەوپێشبردنی تێربوون و کەمکردنەوەی زیادەڕۆیی لە خواردن، کە یارمەتیدەرە لە دابەزاندنی کێش.
8. تەندروستی هەرس
سەوزە و میوە سوورەکان ڕیشاڵی خۆراک دابین دەکەن، کە پاڵپشتی تەندروستی هەرس دەکات لەڕێگەی ڕێگریکردن لە قەبزی و بەرەوپێشبردنی هاوسەنگی بەکتریاکانی ڕیخۆڵە.

9. تەندروستی مێشک
سەوزە و میوە سوورەکان، وەک شووتی و ترێی سوور، مادەی فلاڤۆنۆیدیان تێدایە، کە دەتوانێت ئەرکی مەعریفی بەرز بکاتەوە و مەترسی دابەزینی مەعریفی کەم بکاتەوە.

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.