هەواڵ
دەیان دۆنم زەوی عەلی کیمیایی لە کەرکوک دەدۆزرێتەوە
2025-05-27
سندوقی بوژانەوەی عێراق ئاشکرایکرد، ئەمڕۆ، سێشەممە،
دەستگیراوە بەسەر 500 دۆنم زەوی کە بەناوی عەلی حەسەن ئەلمەجید (ناسراو بە عەلی
کیمیایی) و دوو برای تۆمارکرابون لە پارێزگای کەرکوک، ئەوەش لەکاتێکدایە زۆر باسی
ئەوە دەکرێت کە خانەوادەی سەدام حسێن لە عێراق هیچ موڵکێکیان بەناوەوە نییە.
عەباس موتاب شامی، جێگری سەرۆکی سندوقی بوژانەوەی
عێراق، لە بەیاننامەیەکدا پشتڕاستی کردەوە: "پشکی عەلی حەسەن ئەلمەجید، (ئامۆزای
سەدام حسێنی سەرۆکی پێشووتری عێراق و سەرۆکی حیزبی بەعسی هەڵوەشاوە)، لەگەڵ براکانی
فادل و عەبدول، لە پێنج موڵکدا دەستی بەسەردا گیراوە".
عەباس، ئاماژەی بەوەشکرد، "پرۆسەی دەستبەسەرداگرتن
بەپێی یاسای ژمارە 72ی ساڵی 2017 بووە، بۆ دەستبەسەرداگرتنی سەروەت و سامانی جوڵاو
و نەجوڵاوی سەرکردەکانی حزبی بەعس لە عێراقدا.
ئاماژەی بەوەشکرد، "سندوقەکە کۆپییەکی
نوسراوەکەی بەشی تۆمارکردن لە وەزارەتی داد بۆ بەشی خانووبەرەی دەوڵەت لە وەزارەتی
دارایی ناردووە، کە دەستبەسەرداگرتنی پشکەکانی لەخۆگرتبوو".
سندوقی بوژانەوەی عێراق ئەوەشی ئاشکراکردووە، کۆی
ڕوبەری دەستبەسەرداگیراو 501 دۆنم و 8 ئولک و 76 مەتر چوارگۆشە بووە"، ئاماژەیە
بۆ ئەوەی "پشکی عەلی حەسەن ئەلمەجید لە پارێزگای کەرکوک 125 دۆنم بووە".
بابەتی لێکچو
-
بەغدا لە پلەی یەکەمدایە.. ملیۆنێک 613 هەزار کەس کارتی دەنگدانیان نوێ کردووەتەوە
هەواڵ2025-05-28
-
دابەزینی بەهای دۆلار بازاڕی کارتەکانی بانکی نەهێشتووە
هەواڵ2025-05-28
-
د.سەربەست محەمەد: لە 24 ساڵدا نزیکەی هەزار و 800 تەرمی کۆچبەرانمان ناردوەتەوە
هەواڵ2025-05-27
-
ئەردۆغان: هەنگاوی گرنگمان بڕیوە بۆ تورکیایەکی بێ تیرۆر
هەواڵ2025-05-27
More News
 copy.jpg)
Most Popular
-
دادگای فیدراڵی: بۆ هەڵوەشاندنەوەی پەرلەمانی کوردستان دانیشنتن ئەنجام دەدەین
هەواڵ2025-05-26
1
-
شەماڵ عەبدولوەفا بۆ Mic: کاندیدی رێکخەری گشتی گۆڕان نیم و نابم
هەواڵ2025-05-24
2
-
25 -05 -2025 وەک بەروارێکی جوان و منداڵێکی ناتەندروست
تەندروستی2025-05-25
3
-
خەرجییەکانی سیستمی ئەی ئای بۆ پێشبینی کەشوهەوا هەزار هێندەی سیستمە کارپێکراوەکانی ئێستا هەرزانتر دەکەوێت
هەواڵ2025-05-25
4
-
ئەردۆغان: هەنگاوی گرنگمان بڕیوە بۆ تورکیایەکی بێ تیرۆر
هەواڵ2025-05-27
5
-
د.سەربەست محەمەد: لە 24 ساڵدا نزیکەی هەزار و 800 تەرمی کۆچبەرانمان ناردوەتەوە
هەواڵ2025-05-27
6
-
دابەزینی بەهای دۆلار بازاڕی کارتەکانی بانکی نەهێشتووە
هەواڵ2025-05-28
7
-
پەرلەمان ناچالاکە و بێئاگایە لە گرێبەستە نوێیەکان لەگەڵ کۆمپانیا ئەمریکاییەکان
هەواڵ2025-05-25
8
هەواڵ
بەغدا لە پلەی یەکەمدایە.. ملیۆنێک 613 هەزار کەس کارتی دەنگدانیان نوێ کردووەتەوە
2025-05-28
بەپێی
ئامارى کۆمسیۆنى باڵاى سەربەخۆى هەڵبژاردنەکان، لە نوێکردنەوە کارتى بایۆمەترى دەنگداندا،
پارێزگاى بەغداد لەسەر ئاستى عێراق لە پلەى یەکەمدایە، لەسەر ئاستى هەرێمى
کوردستان هەولێر لەپێش پارێزگاکانى دیکەوەیە.
کۆمسیۆنى
باڵاى سەربەخۆى هەڵبژاردنەکانی عێراق بڵاویکردەوە، تا ئێستا لەسەرتاسەرى عێراق و هەرێمى
کوردستان ملیۆنێک و 613 هەزار و 421 دەنگدەر تۆمارەکانیان نوێکردووەتەوە
بەپێی
ئامارەکە، پارێزگاى بەغداد لە نوێکردنەوەى تۆمارى دەنگدەران لە پلەى یەکەمدایە بە
زیاتر لە 346 هەزار دەنگدەر، پاشان نەینەوا دێت بە 237 هەزار و 90 دەنگدەر.
لەسەر
ئاستى پرێزگاکانى هەرێمى کوردستان، هەولێر لە پلەى یەکەمدایە بە 116 هەزار و 724 دەنگدەر،
پاشان سلێمانى بە 85 هەزار و 464 دەنگدەر، دهۆک بە 60 هەزار و 422 دەنگدەر.
بەپێی ئامارەکانى کۆمسیۆنى
باڵاى سەربەخۆى هەڵبژاردنەکان 29 ملیۆن و 118 هەزار کەس مافى دەنگدانیان هەیە لە هەڵبژاردنى
داهاتوو، لەو ژمارەیە، نزیکەى 20 ملیۆنیان خۆیان لە سیستمى بایۆمەترى دەنگدان تۆمارکردووە .
بەپێی بڕیاری کۆمسیۆن،
پڕۆسەى نوێکردنەوەى تۆمارى بایۆمەترى دەنگدان، لە 25 ى ئازارەوە دەستیپێکردووە و
تا 15 ى حوزەیران بەردەوام دەبێت.
بڕیارە لە رۆژی 11ـی
تشرینی دووەمی 2025 هەڵبژاردنی پەرلەمانى عێراق بەڕێوەبچێت، حێراق کراوە بە 18 بزنەی هەڵبژاردن و هەر بارێزگایەک بەزنەیەکی هەڵبژاردن
دەبێت.
