هەواڵ

داخستنی تۆڕە كۆمەڵایەتییەكان لە نیپاڵ سەریكێشا بۆ سوتاندنی پەرلەمان

Mic
2025-09-09

بڕیاری داخستنی تۆڕە کۆمەڵایەتییەکان ناڕەزایی خەڵکی نیپاڵی لێکەوتەوە و هاوڵاتییانی ئەو وڵاتە رژانە سەر شەقامەکان و پەرلەمانی وڵاتەکەیان سووتاند.

ئەم ناڕەزایەتییە دوای ئەوە هات حكومەتی نیپاڵ  بەشێک لە تۆڕە كۆمەڵایەتییەكانی راگرت، خۆپیشاندەرانی نیپاڵ چونە سەر بینای پەرلەمان لە شاری كاتماندۆی پایتەخت و سوتاندیان.

ناڕەزایەتییەکان تەنها بە سوتاندنی بینای پەرلەمان نەوەستا و خۆپیشاندەران بارەگای حزبەكان، ماڵی سەرۆكی وڵات و ژمارەیەك لە وەزیرەكانیشیان سوتاندووە.

ئەم دۆخە سەرۆك وەزیرانی نیپاڵ (شارما ئولی) ناچاركرد نامەیەك بۆ (رام شاندرا بودل)ی سەرۆكی وڵات بنوسێت و دەستلەكاركێشانەوەی خۆی پێشكەش بكات.

بەپێی راپۆرتە بەراییەكان، بەهۆی ناڕەزایەتییەكانەوە تائێستا 19 كەس كوژراون و زیاتر 500 كەسی دیکەش لەو وڵاتە بریندار بوون.

ئەمڕۆ، حكومەتی نیپاڵ ئەو كۆتوبەندەی هەڵوەشاندەوە كە رۆژی چواری ئەم مانگە بەسەر (فەیسبوك، ئینستاگرام و وەتساپ) و تۆڕە كۆمەڵایەتییەكانی تریدا سەپاند بوو، کە بەبیانوی ئەوەی لە وەزارەتی راگەیاندن و تەكنەلۆژیای ئەو وڵاتە تۆمارنەكرابوون.

ئەو هەنگاوە فریای دەسەڵاتدارانی نیپاڵ نەکەوت چونکە ناڕەزایەتی هاوڵاتییانی نیپاڵ گەیشتە لوتکە و  ئیتر كاتەكە دەرنگ بوو.

بابەتی لێکچو

More News

Most Popular

هەواڵ

بۆ یەکەمجار کێشەکانی هەرێم و بەغدا ئاراستەی ئەنجومەنی دەوڵەت کرا

Mic
2025-09-09


تائەمڕۆیش هەرێم و بەغدا لەسەر داهاتی ناوخۆ و رادەستکردنی نەوت نەگەیشتن بەڕێککەوتن، بۆیە سەرۆک وەزیرانی عێراق کرۆکی کێشەکانی ئاراستەی ئەنجومەنی دەوڵەت کرد، بەڵام شێوازی ئاراستەکردنی راپۆرتەکە دەسەڵات بە ئەنجومەنەکە دەدات بڕیارەکی راوێژکاری بێت یان پابەندی بێت.

ئەنجوومەنی دەوڵەت کە پێشتر ناوی "ئەنجوومەنی شورای دەوڵەت" بووە، لەساڵی 1929 دامەزراوە، لەساڵی 1933 یاساکەی لە رۆژنامەی وەقائیعی عێراقی بڵاوکراوەتەوە، لەو کاتەوە بۆچوون و بڕیاری خۆی لەبارەی بابەتە کارگێڕییەکان لە عێراق دەدات.

ساڵی 2017 یاسای ئەنجوومەنی شورای دەوڵەت هەموارکرایەوە و ناوەکەی گۆڕدرا بۆ ئەنجومەنی دەوڵەت، جگە لە گۆڕینی ناوەکەی سەربەخۆی دارایی و کارگێڕیی بە ئەنجومەنەکە بەخشرا و وەک ئەنجومەنێکی سەربەخۆ دەسەڵاتی پێدرا.

پێشتر ئەنجومەنەکە بەشێک بوو لە وەزارەتی دادی عێراق، بەڵام دوای هەموارکردنەوەی یاساکەی وەکو دەستەیەکی سەربەخۆ ناسێندرا کە ئەرکی دادگای کارگێڕی و فەتوا و داڕشتنە یاساییەکان دەبێت، ئەنجوومەنەکە بە مەرجەعی بڕیار و دادگا کارگێڕییەکان لە عێراق هەژمار دەکرێت.

دادگای کارگێڕی، دادگەی فەرمانبەران، دادگەی باڵای کارگێڕی، سێ لە دیارترین دادگەکانی سەر بەو ئەنجوومەنەن.

دادگاکە بەپێی ئەرکەکانی بۆچوونی خۆی لەبارەی ئەو بابەتانەوە دەدات، کە لەلایەن ئەنجوومەنی وەزیران، سەرۆکایەتیی کۆمار و پەرلەمان دەخرێتە بەردەستی، نێوبژیوانی لەو کێشانەدا دەکات لەنێوان وەزارەت و لایەنە ناپەیوەستەکان بە وەزارەتەوە روودەدەن، روونکردنەوەی لە دەقە ناڕوونەکان بەکاردەهێنرێت.

بەپێی یاسا، سەرۆکی ئەنجومەنی دەوڵەت دەسەڵاتی وەزیری دەبێت و هەروەها، بودجەیەکی سەربەخۆی هەیە کە لە بودجەی گشتی دەوڵەت دابین دەکرێت.

هەرکاتێک وەزارەت و دەستەکان داوای یەکلاییکردنەوەی دۆسیەیەک لە ئەنجومەنەکە بکات، ئەو کاتە بڕیاری ئەنجومەنەکە دەبێت جێبەجێبکرێت.

بەپێی یاسا، بڕیاەکانی ئەنجومەنی دەوڵەت بۆ سێ سەرۆکایەتییەکی عێراق راوێژکارییە و لە رووی یاساییەوە هیچ پابەندییەکی تێدانییە.

ئەمڕۆ، محەمەد شیاع سودان، سەرۆک وەزیرانی عێراق کرۆکی ناکۆکییەکانی هەرێم و بەغدای لە راپۆرتێکدا ئاراستەی ئەنجەمەنەکە کرد، ئەگەر نوسراوەکەی ئەنجومەنی وەزیران بەناوی سەرۆکایەتی ئەنجومەنی وەزیرانەوە ئاراستە کرابێت ئەو بڕیارەکەی راوێژکارییە.

لە سەرەتای ئەمساڵەوە حکومەتی هەرێم و بەغدا لەسەر شێواز و بڕی رادەستکردنی داهاتی ناوخۆ ناکۆکی قویان هەیە، هەروەها تائێستا پرسی هەناردەکردنەوەی نەوتی هەرێم یەکلایی نەکراوەتەوە، ئەمەش کێشەی بۆ ناردنی مووچەی هەرێم لەلایەن بەغداوە دروتکردووە.

هەفەتەی رابردوو، سودانی بە بەرپرسانی هەرێمی راگەیاندبوو، ئەگەر شاندی هەرێم و بەغدا نەگەن بە رێککەوتن، ئەوا ناوەڕۆکی راپۆرتەکان ئاراستەی دادگای فیدراڵی یان ئەنجومەنی دەوڵەت دەکات، بۆ ئەوەی لەوێ یەکلایی بکرێنەوە.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved