هەواڵ

زانیاری لەسەر پێکهیێنانی کابینەی 10ـى حکومەتی هەرێم

Mic
2025-08-11


نزیک دەبێتەوە لە سێ مانگ، لیژنەی دانوستانکاری پارتی و یەکێتی بۆ گفتوگۆڕاکردن لەسەر پێکهێنانی کابینەی نوێ حکومەت کۆنەبونەیەوە، لەکاتێکدا بەرپرسانی یەکەمی هەردوو لایەنەکە جەخت لە پێکهێنانی حکومەتی دەکەنەوە پێش هەڵبژاردنی پەرلەمانی عێراق، بەڵام mic زانیویەتی، بەمزوانە حکومەتی پێکناهێنرێت.

رۆژی 20ـى تشرینی دووەمی 2024، هەڵبژاردنی پەرلەمانی کوردستان بەڕێوەچوو، پارتی 38 کورسی و یەکێتی 23 کورسی بەدەستهێنا، جگە لەو دوولایەنە و پارتی سۆسیال دیموکرات و کەمینەکان، لایەنەکانی تر رەتیانکردەوە بەشداری کابینەی حکومەت بکەن و بوون بە ئۆپۆزسیۆن.

لەسەرەتای ئەمساڵەوە دانوسانەکانی پارتی و یەکێتی بە فەرمی بۆ پێکهێنانی کابینەی 10ـى حکومەتی هەرێم دەستیپێکرد، هەردوولا لیژنەی دانوستانکاریان بۆ پێکهێنانی حکومەت پێکهێنا.

ئەو دوولایەنە مانگی ئادار رێککەوتیان لەسەر رەشنوسی بەرنامەی حکومەتی هەرێم راگەیاند و هەرئەوکاتە وتیان، هەنگاوی یەکەمیان بڕیوە و دەست بە هەنگاوی دووەم دەکەن کە دابەشکردنی پۆستەکان.

دوایین کۆبوونەوەی لیژنەی دانوستانکاری دوو حزبەکە، 21ـی ئایاری رابردوو لە هەولێر بەڕێوەچوو، ناوەڕۆکی کۆبونەوەکە تایبەتبوو بە دابەشکردنی پۆستەکانی کابینەی نوێی حکومەت.

بەپێی زانیارییەکانی mic یەکێتی و پارتی دیدگای جیاوازیان بۆ دابەشکردنی پۆستەکان هەیە و یەکێتی جەختدەکاتەوە، کە دەبێت بەشدار و بڕیاردەری راستەقینەی حکومەت بن، پارتیش سورە لەسەر ئەوەی بۆ دابەشکردنی پۆستەکان بەرکەوتەی هەڵبژاردن لەبەرچاوبگیرێت.

یەکێتی پرۆژەیەکی بۆ دابەشکردنی پۆستەکان خستووەتە بەردەم پاتی، کە تێیدا پۆستەکانی پۆلێن کردووە بۆ سەرۆکایەتییەکان، وەزارەتە سیادییەکان، وەزارەتە خزمەتگوزارییەکان و دەستە و فەرمانگەکان، لەبەرامبەردا پارتی دەیەوێت بەپێ بەرکەوتەی هەڵبژاردن بێت و رازینییە بە پرۆژەکەی یەکێتی.

هەرچەندە لە ماوەی مانگێکی رابردوودا، هەریەک لە مەسعود بارزانی سەرۆکی پارتی و بافڵ تاڵەبانی سەرۆۆکی یەکێتیی و نێچیراڤان بارزانی سەرۆکی هەرێم و مەسرور بارزانی سەرۆکی حکومەتن جەختیان کردووەتەوە لە پێهێنانی کابینەی حکومەت لە پێش هەڵبژاردنی پەرلەنی عێراق، بەڵام بەپێی زانیارییەکان تائێستا هیچ وادەیەک بۆ کۆبونەوەی ئەو دوولایەنە دارینەکراوە.

وابڕارە رۆژی 11ـى 11ـى ئەمساڵ هەڵبژاردنی پەرلەمانی عێراق ئەنجامبدرێت، لە ئێستادا سێ مانگی ماوە، لەگەڵ ئەوەی پارتی و یەکێتی هەنگاوی کردەییان نەناوە بۆ پێکهێنانی حکومەت، رێکارەکانی کۆبونەوەی پەرلەمان و هەڵبژاردنی دەستەی سەرۆکایەتی پەرلەمان و رێکارەکانی پێکهێنانی حکومەت زیاتر لە دوو مانگی پێویستە.

بۆ پرسی پێکهێنانی کابینەی نوێ حکومەت، mic بەدوواداچوونی کردووە، زانیاری دەستکەوتووە، کە پێکهێنانی حکومەت دەکەوتە دوای هەڵبژاردنی پەرلەمانی عێراق و هیچ خواستێکی جدی نییە بۆ پێکهێنانی حکومەت پێش هەڵبژاردنی پەرلەمانی عێراق.



بابەتی لێکچو

More News

Most Popular

هەواڵ

شەڕ دەستپێدەکاتەوە؟… ئێران و ئیسرائیل ئامادەکاری بۆ هێرشکردن دەکەن

Mic
2025-08-13

ئامادەکارییەکانی ئێران بۆ هێرشی پێشوەختە لە دژی ئیسرائیل بەردەوامە و ئەگەری هێرشی پێشوەختەی ئیسرائیلیش بۆ سەر ئێران ڕەتناکرێتەوە.

تا دێت گرژ و ئاڵۆزییەکانی نێوان تاران و تەلئەڤیڤ زیاتر دەبن، ئەوەیش وایکردوووە دوو وڵاتەکە ئامادەباشی بەرز لەناو هێزە سەربازی و ئاسمانییەکانی خۆیاندا ڕابگەیەنین.

ئامادەباشی ئیسرائیل بریتی بوو لە فراوانکردنی بەرچاوی جێگیرکردنی سیستەمی بەرگری ئاسمانی لەناویاندا گومەزی ئاسنین و تیژڕۆ، بە ئامانجی پاراستنی شارە گەورەکان، وەک تەلئەڤیڤ لە هێرشە مووشەکییەکانی ئێران یان حزبوڵڵا.

پێگەی ئێرەم نیوز لە زاری چەند سەرچاوەیەکی رۆژئاواییەوە بڵاویکردەوە، زانیارییە هەواڵگرییەکان جموجۆڵە سەربازییەکانی ئێرانیان ئاشکرا کردووە، لەوانە کۆکردنەوەی مووشەکی بالیستیک و بەهێزکردنی سیستمی بەرگری.

رۆژاواییەکان جوڵەکانی ئێران بە ئاماژەیەی ئامادەکاری بۆ هێرشی پێشوەختە بە ئامانجی تێکدانی توانا بەرگرییەکانی ئیسرائیل پێش هەر هێرشێکی چاوەڕوانکراو لەلایەن فڕۆکە جەنگییەکانی ئیسرائیلەوە.

هاوشێوەی ئێران، جوڵەی و ئامادەکاری سەربازی ئیسرائیلیش پشتراستکراونەتەوە، جوڵەکان وەک ئاماژەی ئامادەکاری بۆ هێرشکردنە سەر ئێران و هەندێک شوێنی سەربازی لە لوبنان و یەمەن خوێندراوەتەوە.

هاوکاتی جوڵەکانی ئێران و ئیسرائیل بۆ هێرشکردنە سەر یەکتر، چەند پێگەیەکی رۆژنامەوانی جیهانی جوڵەی هەواڵگیری ئەمریکایان لە رۆژهەڵاتی ناوەڕاست پشتراستکردوەتەوە.

بەپێی ئەو پێگانە کە پشتیان بە پێگە ئەلکترۆنییەکانی بواری هاتووچۆی ئاسمانی بەستووە، لە ئێران، کەنداوی عەرەبی و دەریای عوماندا جوڵەی فڕۆکەی هەواڵگیری ئەمریکا بینراوە.

دوای هێرشکردنە سەر دامەزراوە ئەتۆمییەکانی فۆردۆ، نەتەنز و ئەسفەهان لە 22ـی حوزەیرانی ئەمساڵدا، ئەو جوڵانەی ئەمریکا بە یەکەم جوڵەی ئەو وڵاتە دادەنێرن لەو ناوچانەدا.
جوڵە ئاسمانی و هەواڵگیرییەکانی ئەمریکا بەسەر ناوچەکانی دەوروبەری ئێراندا ، ئاماژەیەکی ڕوونە کە واشنتۆن ئۆپەراسیۆنی کۆکردنەوەی هەواڵگری ئەنجام دەدات وەک ئامادەکارییەک بۆ خولی دووەمی هێرش بۆ سەر دامەزراوە ئەتۆمییەکان یان سەکۆکانی بەرگری ئاسمانی ئێران.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved