هەواڵ
گەڕێکی نوێی دانوستان… هۆشداری لە هەڵیگرسانی شەڕی کورد و حکومەتی سوریا دەدرێت
2025-08-12
رۆژئاوای کوردستان و حکومەتی سوریا گەڕێکی نوێی
دانوستانیان دەستپێکردووە، هەسەدەش هۆشداری بە دیمەشق دەدات "سوپای سوریا دنەی
هێزەکانیان بدات وەڵامیان دەدەنەوە".
گەڕێکی نوێی دانوستان لە نێوان بەرپرسانی رۆژئاوای
کوردستان و حکومەتەکەی ئەحمەد شەرع سەرۆکی راگوزەری سوریا دەستی پێکردووە.
دانوستانەکان لە ئاستی وەزیری دەرەوەی و هاوسەرۆکی
پەیوەندییەکانی دەرەوە بەڕێوەدەچێت، ئەسعەد شیبانی وەزیری دەرەوەی سوریا سەرۆکایەتی
شاندی دیمەشق دەکات، ئيلهام ئەحمەد هاوسەرۆکى دەستەى پەیوەندییەکانى دەرەوەى بەڕێوەبەرایەتیى
خۆسەریش سەرۆکی شاندی کوردییە.
دانوستانەکان دوو ئامانجی سەرەکیان هەیە، یەکێکیان
تەواوکردنی رێککەوتنەکەی 10ی ئازارە کە لە نێوان مەزڵوم عەبدی فەرماندەی گشتی هەسەدە
و ئەحمەد شەرع سەرۆکی راگوزەری سوریا واژۆکرا.
دووەمییان هەنگاونانی خێرایە بۆ رێگرییکردن لە
تەشەنەکردنی گرژییەکانی نێوان بەڕێوەبەرایەتی خۆسەر و حکومەتیی سوریا، کە چەند رۆژێکە
لە ناوچەکانی حەلەب سەریهەڵداوە.
هاوکاتی بەڕێوەچوونی دانوستانە نوێیەکان، هێزەکانی
سوریای دیموکرات - هەسەدە لە راگەیەندراوێکدا لەبارەی هەڵگیرسانی شەڕەوە هۆشدارییان
بە حکومەتی سوریا داوە.
هێزەکانی هەسەدە گومانیان لەو جوڵانە هەیە کە
سوپای سوریا لە گەڕەکەکانی شێخ مەقسود و ئەشرەفییە،
شارۆچکەی دێر حافر و گوندەکانی دەوروبەری حەلەب و ئەنجامی دەدات و بە دنەدانی دەزانێت.
هەسەدە پێیوایە، ئەم هەوڵانە بە پێشێلکاریی ئاگربەست و ناکۆک لەگەڵ گیانی
ئەو رێککەوتننامەیە دادەنرێن کە ئەنجوومەنی گەڕەکەکانی شێخ مەقسود و ئەشرەفییە لە
1ی نیسانی رابردوودا لەگەڵ حکومەتی دیمەشق واژۆییان کردووە.
ناوەڕۆکی سەرەکی پەیامەکەی هەسەدە ئاگادارکردنەوەی
حکومەتی سوریایە لە ئەگەرەکانی هەڵیگرسانی شەڕ و راگەیاندووە، سەرەڕای ئەوەی هێزەکانیان "پابەندی دانبەخۆداگرتن
بوون و وەڵامی ئەو دنەدانە بەردەوامانەیان نەداوەتەوە، بەڵام ئەگەر بەردەوام بن لە
بەئامانجگرتنی هێزەکانمان، ناچار دەبین لە چوارچێوەی بەرگریی رەوادا وەڵامیان بدەینەوە".
رۆژی 10ـی ئازاری 2025، ئه‌حمه‌د شه‌رع، سه‌رۆكی
قۆناغی ڕاگوزه‌ری سووریا و مه‌زڵووم عه‌بدی، فه‌رمانده‌ی گشتیی هێزه‌كانی سوریای دیموكرات
- هه‌سه‌ده‌ڕێككه‌وتن.
بەپێی ئەو رێکەوتنە، دەبێت هه‌سه‌ده بخرێته
ناو سیسته‌می هێزی به‌رگریی نیشتمانیی سوریا و سه‌رجه‌م دامه‌زراوه مه‌ده‌نییه‌كانی
باكوری ڕۆژهه‌ڵاتی سوریا له‌وانه‌ش، ده‌روازه سنوورییه‌كان، فڕۆكه‌خانه و كێڵگه‌كانی
نه‌وت و غاز به دیمه‌شقه‌وه ببه‌سترێنه‌وه.
بابەتی لێکچو
-
شەڕ دەستپێدەکاتەوە؟… ئێران و ئیسرائیل ئامادەکاری بۆ هێرشکردن دەکەن
هەواڵ2025-08-13
-
ئەمریکا و ئێران لەسەر ماڵێک شەڕدەکەن کە هی خۆیان نییە
هەواڵ2025-08-13
-
کاریگەرییەکانی چین؟… سزاکە جێبەجێ بکرێت نەوەی نوێ بێ سەرۆک بەشداری هەڵبژاردن دەکات
هەواڵ2025-08-13
-
كونسوڵى نوێی ئەمریکا لە هەرێم سوپاسی بافڵ تاڵەبانی دەکات
هەواڵ2025-08-12
More News
 copy.jpg)
Most Popular
-
داهات و نەوت… هەولێر و بەغدا رێککەوتنی نوێ بۆ ناردنی مووچە دەکەن
هەواڵ2025-08-10
1
-
گرێکوێرەی چارەسەری کێشەکانی نێوان هەولێر و بەغدا ئاڵۆزتر دەبن
هەواڵ2025-08-10
2
-
ڕێککەوتنی هەولێر و بەغدا لەسەر مووچە کێشەی تێکەوتوە
هەواڵ2025-08-11
3
-
سوریا لە دانوستاندنەکانی پاریس لەگەڵ کورد کشایەوە
هەواڵ2025-08-09
4
-
پرۆسەی ئاشتی هێرشەکانی تورکیای بە رێژەی 97% لە هەرێمی کوردستان کەمکردوەتەوە
هەواڵ2025-08-10
5
-
داهاتی دانەگاز لە نیوەی یەکەمی ئەمساڵ 171 ملیۆن دۆلارە
هەواڵ2025-08-10
6
-
زانیاری لەسەر پێکهیێنانی کابینەی 10ـى حکومەتی هەرێم
هەواڵ2025-08-11
7
-
كونسوڵى نوێی ئەمریکا لە هەرێم سوپاسی بافڵ تاڵەبانی دەکات
هەواڵ2025-08-12
8
هەواڵ
شەڕ دەستپێدەکاتەوە؟… ئێران و ئیسرائیل ئامادەکاری بۆ هێرشکردن دەکەن
2025-08-13
ئامادەکارییەکانی ئێران بۆ هێرشی پێشوەختە لە
دژی ئیسرائیل بەردەوامە و ئەگەری هێرشی پێشوەختەی ئیسرائیلیش بۆ سەر ئێران ڕەتناکرێتەوە.
تا دێت گرژ و ئاڵۆزییەکانی نێوان تاران و تەلئەڤیڤ
زیاتر دەبن، ئەوەیش وایکردوووە دوو وڵاتەکە ئامادەباشی بەرز لەناو هێزە سەربازی و
ئاسمانییەکانی خۆیاندا ڕابگەیەنین.
ئامادەباشی ئیسرائیل بریتی بوو لە فراوانکردنی
بەرچاوی جێگیرکردنی سیستەمی بەرگری ئاسمانی لەناویاندا گومەزی ئاسنین و تیژڕۆ، بە
ئامانجی پاراستنی شارە گەورەکان، وەک تەلئەڤیڤ لە هێرشە مووشەکییەکانی ئێران یان
حزبوڵڵا.
پێگەی ئێرەم نیوز لە زاری چەند سەرچاوەیەکی رۆژئاواییەوە
بڵاویکردەوە، زانیارییە هەواڵگرییەکان جموجۆڵە سەربازییەکانی ئێرانیان ئاشکرا
کردووە، لەوانە کۆکردنەوەی مووشەکی بالیستیک و بەهێزکردنی سیستمی بەرگری.
رۆژاواییەکان جوڵەکانی ئێران بە ئاماژەیەی
ئامادەکاری بۆ هێرشی پێشوەختە بە ئامانجی تێکدانی توانا بەرگرییەکانی ئیسرائیل پێش
هەر هێرشێکی چاوەڕوانکراو لەلایەن فڕۆکە جەنگییەکانی ئیسرائیلەوە.
هاوشێوەی ئێران، جوڵەی و ئامادەکاری سەربازی ئیسرائیلیش
پشتراستکراونەتەوە، جوڵەکان وەک ئاماژەی ئامادەکاری بۆ هێرشکردنە سەر ئێران و هەندێک
شوێنی سەربازی لە لوبنان و یەمەن خوێندراوەتەوە.
هاوکاتی جوڵەکانی ئێران و ئیسرائیل بۆ هێرشکردنە
سەر یەکتر، چەند پێگەیەکی رۆژنامەوانی جیهانی جوڵەی هەواڵگیری ئەمریکایان لە رۆژهەڵاتی
ناوەڕاست پشتراستکردوەتەوە.
بەپێی ئەو پێگانە کە پشتیان بە پێگە ئەلکترۆنییەکانی
بواری هاتووچۆی ئاسمانی بەستووە، لە ئێران، کەنداوی عەرەبی و دەریای عوماندا جوڵەی
فڕۆکەی هەواڵگیری ئەمریکا بینراوە.
دوای هێرشکردنە سەر دامەزراوە ئەتۆمییەکانی فۆردۆ،
نەتەنز و ئەسفەهان لە 22ـی حوزەیرانی ئەمساڵدا، ئەو جوڵانەی ئەمریکا بە یەکەم جوڵەی
ئەو وڵاتە دادەنێرن لەو ناوچانەدا.
جوڵە ئاسمانی و هەواڵگیرییەکانی ئەمریکا بەسەر
ناوچەکانی دەوروبەری ئێراندا ، ئاماژەیەکی ڕوونە کە واشنتۆن ئۆپەراسیۆنی کۆکردنەوەی
هەواڵگری ئەنجام دەدات وەک ئامادەکارییەک بۆ خولی دووەمی هێرش بۆ سەر دامەزراوە ئەتۆمییەکان
یان سەکۆکانی بەرگری ئاسمانی ئێران.
