ژیان
سەیركردنی فیلمەكانی توندوتیژی مەترسیدارە
2024-07-28
شارەزایان و توێژەرانی بواری دەروونی پێیان وایە سەیركردنی ئەو فیلمانە مەترسیدارە و ئەو جۆرە هونەرە سەیری نەكرێت و باشتر وایە وەرگر خۆی لە بینینیان بپارێزێت.
سایتی "بی سایكۆلۆجی تودەی" كە بایەخ بە هەواڵی بواری دەرووندروستی دەدات، ڕاپۆرتێكی لەو بارەیەوە بڵاوكردووەتەوە و تێیدا وێڕای ئاماژەكردن بە بەربڵاوی ئەو جۆرە فیلمانە بە پەسندی زانیوە وەرگران خۆیان لە بینینی دیمەن و گرتەی توندوتیژانە بپارێزن.
لە ڕاپۆرتەكەدا هاتووە، ئەو پیاوانەی مەیلی دوژمنكارانەیان هەیە، ئەوانەش كە هەست بە نەبوونی هاوسۆزی لەگەڵیاندا دەكەن، لە دیارترین ئەو كەسانەن حەز دەكەن سەیری فیلمی توندوتیژیی بكەن و چارەی كەسانی دڵڕەق و بێ بەزییان خۆش دەوێت.
ڕاپۆرتەكە باسی لەوەشكردووە، ئەگەرچی بەشێكی زۆری فیلمەكان لە سەرەتادا ئاماژەیان داوە، كە توندوتیژییان تێدایە، بەڵام ئەو هۆشدارییە هیچ مانایەكی نیە.
ڕافا یوبا، پزیشكی دەروونی ڕاوێژكاری، كە خانەنشینە و لە لەندەن نیشتەجێیە، دەڵێ: پێشتر فیلمەكانی هۆلیۆد زۆر نەرمكێشییان بۆ توندوتیژی دەكرد، خەڵكێكی زۆر لە فیلمەكانی شەڕدا دەكوژران بە بێ ئەوەی كوشتنیان واقیعیانە بێت.
وتیشی: هەندێكجار دەبینین، ئەو توندوتیژییەی نمایش دەكرێت، هەوڵێك نیە بۆ پێشخستنی چیرۆكەكان، بەڵكو خودی توندوتیژییەكە كراوەتە ئامانجی سەرەكی دیمەنەكە.
More News
 copy.jpg)
Most Popular
-
ئەو فەرمانبەرانەی ئەمساڵ خانەنشین دەبن دوو تا سێ پلە بەرزکردنەوەیان دەفەوتێت
هەواڵ2025-02-01
1
-
بودجە لە بەرژوەندی هەرێمی کوردستان هەموار کرایەوە
هەواڵ2025-02-02
2
-
جیهان؛ تا ئێستا نزیکەی 10 ملیۆن کەس بە شێرپەنجە گیانیان لەدەستداوە
تەندروستی2025-02-04
3
-
کۆتایی ئەم هەفتەیە زوترین کاتە بۆ دابەشكردنی مووچە
هەواڵ2025-02-02
4
-
کەوتنی بەشار ئەسەد پاشەکشە بە "بەرەی مقاوەمە" بەرامبەر ئەمەریکا دەکات
هەواڵ2025-02-01
5
-
زیانەکانی خواردنەوە وزە بەخشەکان بۆ سەر تەندروستی چیین؟
تەندروستی2025-02-02
6
-
ترامپ جەنگی ئابوری لە دژی سێ وڵات ڕاگەیاند
هەواڵ2025-02-02
7
-
وردەکاری… پێشبینی دەکرێت ترامپ و پوتین لە سعودیە یان ئیمارات کۆببنەوە
هەواڵ2025-02-03
8
تەندروستی
جیهان؛ تا ئێستا نزیکەی 10 ملیۆن کەس بە شێرپەنجە گیانیان لەدەستداوە
2025-02-04
شێرپەنجە یەکێکە لە هۆکارە سەرەکییەکانی مردن لە جیهاندا، کە لە هەر ٦ مردنێک، یەکێکیان بەهۆی نەخۆشی شێرپەنجەوەیە ، بە پێی کۆتا داتای ڕێکخراوی تەندروستی جیهانی کە لەسەر نەخۆشی شێرپەنجە بڵاوی کردووەتەوە، ٢٠ ملیۆن حاڵەتی نوێی شێرپەنجە دەست نیشان کراوە و ٩.٧ ملیۆن کەس بەهۆی شێرپەنجەوە گیانیان لە دەست داوە. کە بە پێی پێشبینییەکان تاوەکوو ساڵی ٢٠٥٠ ئەم ڕێژەیە بە ڕێژەی لە سەدا ٧٧٪ زیاد دەکات.
ڕێکخراوی تەندروستی جیهانی ئەوەشی ئاشکرا کردووە، کە تەنها لە وڵاتانی ڕۆژهەڵاتی ناوەرستدا زیاتر لە ٧٨٨،٠٠٠ هەزار کەس بە نەخۆشی شێرپەنجە تۆمارکراون، لە هەمان کاتدا پێشبینی ئەوەیان کردووە کە ئەم ڕێژەیە تاوەکوو ساڵی ٢٠٤٥ ببێتە دوو هێندە و بگاتە ١.٥٧ ملیۆن نەخۆشی شێرپەنجە.
بەپێی کۆتا داتاکانی وەزارەتی تەندروستی حکومەتی هەرێمی کوردستان، لە ساڵی ٢٠٢٢دا، نۆ هەزار و ٦١ کەس لە هەرێمی کوردستان تووشی نەخۆشی شێرپەنجە بوون و بەربڵاوترین جۆرەکانی شێرپەنجە لە هەرێمی کوردستان، بریتین لە، شێرپەنجەی مەمک، کۆڵۆن، سییەکان، پێست، غوددە، پرۆستات، لیوکیمیا، مێشک، منداڵدان.
ئەو هۆکارانەی کە مەترسی تووشبوون بە شێرپەنجە زیاد دەکەن، ئەمانەن : جگەرەجگەرەکێشان، نەخۆشییە ڤایرۆسییەکان وەک (ڤایرۆسەکانی وەک HPV کە دەبێتە هۆی تووشبوون بە شێرپەنجەی ملی منداڵدان، هەروەها ڤایرۆسی جگەر HBV وHCV دەبێتە هۆی شێرپەنجەی جگەر)، قەڵەوی و شێوازی ژیان ، پیسبوونی ژینگە، بەرکەوتنی تیشک، بۆماوەیی.
ئێستا دەرکەوتووە کە لە سەدا ٥٠٪ی شێرپەنجەکان دەکرێت خۆمانیان لێ بپارێزین لە ڕێگەی: وازهێنان و دوورکەوتنەوە لە جگەرەکێشان و بەرهەمەکانی تووتن، کەمکردنەوە یاخود بەکارنەهێنانی خۆراکی خێرا و ئامادەکراو و پڕ چەوری و کالۆری، خواردنی میوە و سەوزەی زیاتر، ئەنجامدانی وەرزشی بەردەوام. هەروەها ئەنجامدانی پشکنینی پێشوەختە بە تایبەت بۆ ئەو کەسانەی کە لە خێزانەکانیاندا (بۆماوەیی) شێرپەنجە هەیە وەک (شێرپەنجەی مەمک)، دەبێتە هۆی زووتر دەستنیشان کردنی قۆناغە سەرەتاییەکانی شێرپەنجە، ئەمەش وادەکات چارەسەری شێرپەنجە ئاسانتر بێت و لە کاتێکی کەمدا چارەسەری گونجاوی بۆ ئەنجام بدرێت.
